News March 13, 2025
SRD: బ్యాంకింగ్లో ఉచిత శిక్షణ
సంగారెడ్డి జిల్లా కేంద్రంలోని బీసీ స్టడీ సర్కిల్ ఆధ్వర్యంలో నెలరోజుల పాటు బ్యాంకింగ్ కోసం ఉచిత శిక్షణ ఇవ్వనున్నట్లు స్టడీ సర్కిల్ డైరెక్టర్ టి.ప్రవీణ్ తెలిపారు. డిగ్రీ అర్హత కలిగి 26 ఏళ్ల లోపు గల బీసీ అభ్యర్థులు అర్హులన్నారు. ఈనెల 15 నుంచి ఏప్రిల్ 8 వరకు www.tgbcstudycircle.cgg.gov.inలో ఆన్లైన్ ద్వారా దరఖాస్తు చేసుకోవాలన్నారు. ఏప్రిల్ 12న స్క్రీనింగ్ టెస్ట్ నిర్వహిస్తామన్నారు.
Similar News
News April 14, 2026
పెద్దపల్లిలో అంబేద్కర్ జయంతి వేడుకల్లో శ్రీధర్ బాబు
పెద్దపల్లి జిల్లా కేంద్రంలో నిర్వహించిన డా. బీఆర్ అంబేద్కర్ జయంతి వేడుకల్లో ఐటీ మంత్రి దుద్దిళ్ల శ్రీధర్ బాబు పాల్గొని విగ్రహానికి పూలమాల వేసి నివాళులర్పించారు. అంబేద్కర్ ఆశయాల సాధనే తమ లక్ష్యమని, సమాజంలోని అన్ని వర్గాలకు సమాన అవకాశాలు కల్పించేందుకు కట్టుబడి ఉన్నామని తెలిపారు. జిల్లా కలెక్టర్ కోయ శ్రీహర్ష, ఎమ్మెల్యేలు విజయరమణారావు, నాయకులు పాల్గొన్నారు.
News April 14, 2026
మెదక్: వడ దెబ్బ తగలకుండా జాగ్రత్త చర్యలు చేపట్టాలి: కలెక్టర్
వేసవి తీవ్రత పెరుగుతున్న నేపథ్యంలో ప్రజలు వడదెబ్బ తగలకుండా తగిన జాగ్రత్తలు తీసుకోవాలని కలెక్టర్ ప్రతిమా సింగ్ సూచించారు. తీవ్ర వడగాలులు వీస్తున్నందున ప్రజలు అప్రమత్తంగా ఉండాలని కోరారు. వడదెబ్బ ప్రభావం ప్రజల ఆరోగ్యంపై పడకుండా ఉండేందుకు జిల్లా యంత్రాంగం అన్ని చర్యలు చేపట్టిందని, యంత్రాంగం అప్రమత్తంగా ఉందని ఆమె పేర్కొన్నారు. అవసరమైతే తప్ప మధ్యాహ్నం వేళ బయటకు రావద్దని సూచించారు.
News April 14, 2026
PDPL: అంబేడ్కర్, శ్రీపాదరావు, వెంకటస్వామికి ఘన నివాళి
పెద్దపల్లి ఎంపీ గడ్డం వంశీ కృష్ణ మంథనిలో డి.శ్రీపాదరావు విగ్రహానికి మంగళవారం పూలమాలలు వేసి నివాళులు అర్పించారు. తాను నిన్న ఢిల్లీలో ఉండటంతో స్వర్గీయ డి. శ్రీపాదరావు వర్ధంతికి రాలేకపోయానన్నారు. కాకా వెంకటస్వామి, అంబేడ్కర్ విగ్రహాల వద్ద కూడా నివాళులు ఘటించారు. అంబేడ్కర్ ఆశయాలు ఆచరించాలని పిలుపునిచ్చారు. టీఎస్ఎన్పీడీసీఎల్ కార్మికులు ఆయనను కలవగా వారి సమస్యల పరిష్కారానికి కృషి చేస్తానన్నారు.