News April 15, 2025
SRPT: పొలంలో బయటపడ్డ పురాతన శివలింగం

సూర్యాపేట జిల్లాలో పొలం చదును చేస్తుండగా పురాతన శివలింగం బయటపడింది. చివ్వెంల మండలం తిమ్మాపురంలో రణబోతు బాధిరెడ్డి తన వ్యవసాయ భూమిలో జేసీబీతో చదును చేయిస్తుండగా పురాతన శివలింగంతో పాటు నాగపడిగ విగ్రహాలు జేసీబీకి తగలడంతో వాటిని జాగ్రత్తగా తీసి పక్కకు పెట్టి శుభ్రం చేశారు. తిమ్మాపురంతో పాటు, మోదీన్పురం పరిసర గ్రామాల నుంచి శివభక్తులు అక్కడకు చేరుకుని క్షీరాభిషేకం చేసి పూజలు నిర్వహించారు.
Similar News
News November 29, 2025
వరంగల్: ఆ సీసీపై ఎందుకంత ప్రేమ..?

ఆయనో జిల్లా అధికారి. ఆయన దగ్గర వినయ విధేయతలతో పనిచేసినందుకు తనతో పాటు అతన్ని తీసుకెళ్లిన ఘటన ఉమ్మడి వరంగల్లో జరిగింది. ఇటీవల జరిగిన బదిలీల్లో ఆ జిల్లా అధికారికి పక్కనే ఉన్న జిల్లాకు బదిలీ అయ్యింది. ఇక్కడి వరకు బాగానే ఉన్నా, తనతో పాటుగా తన దగ్గర పనిచేస్తున్న క్యాంపు కర్ల్కును సైతం వెంట తీసుకెళ్లడం హాట్ టాపికైంది. సీసీ దగ్గర మొత్తం బాగోతం ఉండటంతోనే అతన్ని కూడా వెంట తీసుకెళ్లారంటూ చర్చ జరుగుతోంది.
News November 29, 2025
మంత్రి వద్దన్నా.. రేణిగుంటలో మళ్లీ పోస్టింగ్.!

అవినీతి ఆరోపణలతో సస్పెండైన రేణిగుంట రిజిస్ట్రార్ ఆనంద్ రెడ్డి మళ్లీ అక్కడే పోస్టింగ్ పొందారు. ఆయనకు ఉద్యోగం ఇవ్వాలంటూ స్పెషల్ CS పంపిన ఫైల్ను మంత్రి అనగాని తిరస్కరించారు. ఇందుకు విరుద్ధంగా ఇటీవల చిత్తూరు రిజిస్ట్రేషన్ శాఖ ఇన్ఛార్జ్ DIGగా బాధ్యతలు స్వీకరించిన వ్యక్తి ఆనంద్కు మళ్లీ రేణిగుంటలో పోస్టింగ్ ఇస్తూ ఉత్తర్వులు జారీ చేశారు. దీంతో ఆనంద్ రేంజ్ ఏంటో అర్థమవుతుందని పలువురు చర్చించుకుటున్నారు.
News November 29, 2025
GNT: సైలెంట్ అయిపోయిన సీనియర్ నేతలు

గుంటూరు జిల్లాలో సీనియర్ నేతలు రాయపాటి సాంబశివరావు, మోపిదేవి వెంకటరమణ రాజకీయంగా సైలెంట్ అయిపోయారు. అనారోగ్యంతో మాజీ ఎంపీ రాయపాటి ఇంటికే పరిమితమయ్యారు. అటు వైసీపీ హయాంలో ఓ వెలుగు వెలిగి, ఇటీవలే టీడీపీలో చేరిన మోపిదేవి వెంకటరమణ కూడా పూర్తిగా సైలెంట్ అయ్యారు. పార్టీ మారిన తర్వాత ఆయన యాక్టివ్గా లేకపోవడం కార్యకర్తలను సైతం అయోమయానికి గురిచేస్తోంది.


