News January 6, 2026
SRPT: గత ఎన్నికల్లో BRS హవా.. ఈసారి..
జిల్లాలో మున్సిపల్ ఎన్నికల నగారాకు ముందే రాజకీయం వేడెక్కింది. HNR, KDD, SRPT, NDCL, తిరుమలగిరి మున్సిపాలిటీలను దక్కించుకునేందుకు పార్టీలు వ్యూహాలు సిద్ధం చేస్తున్నాయి. గత ఎన్నికల్లో BRS ఈ 5 స్థానాలను కైవసం చేసుకోగా, ఈసారి ఎలాగైనా క్లీన్ స్వీప్ చేయాలని కాంగ్రెస్ పట్టుదలతో ఉంది. అభ్యర్థుల ఎంపికపై ఇప్పటికే కసరత్తు మొదలైంది. ఫిబ్రవరిలో ఎన్నికలు జరిగే అవకాశం ఉండటంతో పార్టీలు సమరానికి సిద్ధమవుతున్నాయి.
Similar News
News February 15, 2026
బైరెడ్డి సిద్ధార్థ రెడ్డికి హెచ్చరిక
డిప్యూటీ సీఎం పవన్ కళ్యాణ్పై బైరెడ్డి సిద్ధార్థ రెడ్డి చేసిన వ్యాఖ్యలను జనసేన పార్టీ ఆళ్లగడ్డ తాలూకా నాయకుడు సజ్జల నాగేంద్ర ఖండించారు. శిరివెళ్లలో ఆయన మాట్లాడుతూ.. చేతనైతే కరవు సీమలో కన్నీళ్లు తుడిచే పనులు చేయాలని బైరెడ్డికి సూచించారు. విలువలతో కూడిన రాజకీయం మీలాంటి ఫ్యాక్షన్ రాజకీయ నాయకులకు అర్థం కాదన్నారు. తమ నాయకుడు పవన్ కళ్యాణ్ను విమర్శిస్తే చూస్తూ ఊరుకునేది లేదని హెచ్చరించారు.
News February 15, 2026
శివరాత్రి.. ఈ తప్పులు చేయకండి!
మహాశివరాత్రి నాడు తెలియక చేసే కొన్ని పొరపాట్ల వల్ల పూజా ఫలం దక్కదని పండితులు అంటున్నారు. ‘తులసి ఆకులతో పూజ చేయొద్దు. శివుడికి బిల్వపత్రాలంటేనే ఇష్టం. లింగానికి పసుపు, కుంకుమ పూయొద్దు. విభూతి రాయాలి. శంఖం, రాగి పాత్రతో అభిషేకం చేయొద్దు. ఉపవాసం ఉన్న వాళ్లు మాంసం, ఉల్లి, వెల్లుల్లి వంటి ఆహారాలకు దూరంగా ఉండాలి. జాగరణ అంటే వినోదం, కాలక్షేపం కాదు.. ఓం నమశ్శివాయ మంత్రాన్ని స్మరించాలి’ అని చెబుతున్నారు.
News February 15, 2026
ఎద్దు ఎండకులాగ, దున్న నీడకు లాగ
ఎద్దు ఎంతటి కష్టాన్నైనా ఓర్చుకుని ఎండలో కూడా పని చేస్తుంది. ఇది కష్టపడే తత్వానికి నిదర్శనం. దున్నపోతుకు కాస్త ఎండ తగిలినా భరించలేదు, అది ఎప్పుడూ నీడ కోసం లేదా నీళ్ల కోసం(చల్లదనం కోసం) వెతుకుతుంది. ఇది సుఖాన్ని కోరుకునే తత్వానికి నిదర్శనం. ఒకే ఇంట్లో లేదా ఒకే చోట ఉన్న ఇద్దరు వ్యక్తుల్లో ఒకరు ఎంతో కష్టపడే స్వభావం కలిగి ఉంటే, మరొకరు సోమరిగా ఉంటూ సుఖాన్ని కోరుకుంటున్నారని చెప్పడానికి ఈ సామెత వాడతారు.