News January 20, 2026
SRPT: మహిళా సంఘాలకు రుణాల పంపిణీకి సిద్ధం కావాలి: కలెక్టర్
మహిళా సంఘాలకు వడ్డీ లేని రుణాలు, ఇందిరమ్మ చీరల పంపిణీ సక్రమంగా చేపట్టాలని కలెక్టర్ తేజస్ నంద్లాల్ పవార్ తెలిపారు. సోమవారం డిప్యూటీ సీఎం భట్టి విక్రమార్క, మంత్రి సీతక్క నిర్వహించిన వీడియో కాన్ఫరెన్స్లో ఆయన పాల్గొన్నారు. పట్టణ ప్రాంతాల్లో రుణాల పంపిణీపై పక్కా ప్రణాళికతో ఉండాలని అధికారులను ఆదేశించారు. కార్యక్రమంలో అదనపు కలెక్టర్ సీతారామారావు, కమిషనర్ హనుమంత రెడ్డి ఉన్నారు.
Similar News
News January 30, 2026
కేసీఆర్ విచారణకు రావాల్సిందేనా?
TG: ఫోన్ ట్యాపింగ్ కేసులో తనను ఎర్రవల్లి ఫామ్హౌస్లోనే విచారించాలన్న KCR అభ్యర్థనను పరిశీలిస్తున్నామని సిట్ చీఫ్ సజ్జనార్ తెలిపారు. అయితే కేసు నమోదైన PS జ్యూరిడిక్షన్ పరిధిలోనే సాక్షి స్టేట్మెంట్ రికార్డ్ చేయాల్సి ఉంటుందని, దీనిపై ఎలా ముందుకెళ్లాలనే విషయంలో న్యాయనిపుణుల సలహా తీసుకుంటామన్నారు. KCRకు మళ్లీ ఎప్పుడు నోటీసులు ఇవ్వాలి? ఎక్కడ విచారించాలనేదానిపై ఇవాళ నిర్ణయం తీసుకుంటామని వెల్లడించారు.
News January 30, 2026
వంగలో కొమ్మ, కాయ తొలుచు పురుగు నివారణ
ప్రస్తుత వాతావరణ పరిస్థితుల వల్ల వంగలో కొమ్మ, కాయ తొలుచు పురుగుల ఉద్ధృతి కనిపిస్తోంది. వీటి నివారణకు ఎకరాకు 10 నుంచి 15 లింగాకర్షక బుట్టలు అమర్చుకోవాలి. మొక్కల తలలను తుంచి లీటరు నీటికి వేపనూనె 3ML పిచికారీ చేయాలి. పురుగు ఉద్ధృతి ఎక్కువగా ఉంటే లీటరు నీటికి ప్లూబెండమైడ్ 0.25ML లేదా ఇమామెక్టిన్ బెంజోయేట్ 0.4గ్రా లేదా క్లోరాంట్రానిలిప్రోల్ 0.3ML కలిపి పిచికారీ చేయాలని నిపుణులు సూచిస్తున్నారు.
News January 30, 2026
కాని వేళకి కందులు గుగ్గిళ్లయినట్లు
సాధారణంగా ఆకలిగా ఉన్నప్పుడు లేదా ఏదైనా పండుగ సమయంలో గుగ్గిళ్లు దొరికితే చాలా సంతోషిస్తాం. కానీ, అసలు అవసరం లేని సమయంలో, కడుపు నిండుగా ఉన్నప్పుడో, ప్రాధాన్యత లేనప్పుడో అవి ఎన్ని దొరికినా ప్రయోజనం ఉండదు. అలాగే ఏదైనా సహాయం అత్యవసరంగా కావాల్సినప్పుడు అందకుండా, అంతా అయిపోయాక అందితే వ్యర్థమని, దాని వల్ల ఎలాంటి లాభం ఉండదని చెప్పడానికి ఈ సామెతను ఉపయోగిస్తారు.