News April 10, 2025
SSS: మెగా డీఎస్సీ ఉచిత శిక్షణకు దరఖాస్తులు చేసుకోండి
బీసీ ఎస్సీ ఎస్టీ ఈ డబ్ల్యూ ఎస్ విద్యార్థులు మెగా డీఎస్సీ ఉచిత ఆన్‌లైన్ శిక్షణకు దరఖాస్తు చేసుకోవాలని వెనుకబడిన తరగతుల సంక్షేమ సాధికారిక అధికారి నిర్మల జ్యోతి ఒక ప్రకటనలో గురువారం తెలిపారు. టెట్‌లో అర్హత సాధించిన సత్యసాయి జిల్లా విద్యార్థులు అర్హులని ఆమె తెలిపారు. ఆన్‌లైన్ ద్వారా దరఖాస్తు చేసుకుంటే 24/7 క్లాసులు అందుబాటులో ఉంటాయన్నారు. మరిన్ని వివరాలకు బీసీ వెల్ఫేర్ కార్యాలయంలో సంప్రదించాలన్నారు.
Similar News
News November 7, 2025
15 అడుగుల ఎత్తు పెరిగిన గోంగూర మొక్క
TG: గోంగూర పంట 35 రోజుల్లోగా కోతకు వస్తుంది. మహా అయితే 4 అడుగుల ఎత్తు పెరుగుతుంది. అయితే సూర్యాపేట జిల్లా గరిడేపల్లి మం. అప్పన్నపేటలోని కృష్ణారెడ్డి ఇంట్లో ఓ గోంగూర మొక్క ఏకంగా 15 అడుగుల ఎత్తు పెరిగింది. దీన్ని తొమ్మిది నెలల క్రితం నాటారు. ఇప్పటికీ ఈ మొక్కకు 25కుపైగా కొమ్మలు ఉండి గుబురుగా ఆకులు వస్తున్నాయి. ఈ మొక్క నుంచి వచ్చే ఆకులను సేకరించి ఇప్పటికీ కూరకు వాడుతున్నామని కృష్ణారెడ్డి తెలిపారు.
News November 7, 2025
జగిత్యాల: నీటిలో మునిగి యువకుడు మృతి
జగిత్యాల(D) ఇబ్రహీంపట్నం మం. మూలరాంపూర్ శివారులోని సదర్ మార్ట్ ప్రాజెక్ట్ వద్ద చేపలు పడుతూ ప్రమాదవశాత్తు నీటిలోపడి యువకుడు మృతి చెందినట్లు ఎస్సై అనిల్ కుమార్ తెలిపారు. నిర్మల్ జిల్లా మామడ మండలం పొన్కల్‌కు చెందిన పల్లికొండ సిద్దార్థ(18) బుధవారం చేపలుపట్టే సమయంలో ప్రమాదవశాత్తు నీటిలో మునిగి మరణించినట్లు తండ్రి గంగన్న ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై పేర్కొన్నారు.
News November 7, 2025
ఎందరికో ఆదర్శం అరుణిమా సిన్హా జీవితం
జాతీయ స్థాయి వాలీబాల్‌ ప్లేయర్‌గా ఎన్నో విజయాలు సాధించిన అరుణిమాను దొంగల రూపంలో విధి వెక్కిరించింది. వారిని అడ్డుకునే క్రమంలో ఆమెను కదులుతున్న రైలులోంచి బయటకు తోసేసారు. ఈ ప్రమాదంలో ఆమె కాలును పూర్తిగా తొలగించారు. ఇటువంటి పరిస్థితుల్లోనూ జీవితం ముగిసిపోయిందని ఆమె బాధపడలేదు. ఏదో ఒకటి సాధించాలనే తపనతో ఎవరెస్టు అధిరోహించిన ప్రపంచ తొలి మహిళా వికలాంగురాలుగా చరిత్ర సృష్టించారు.