News March 29, 2024
దర్శకుడిగా స్టార్ హీరో కుమారుడు!
తమిళ స్టార్ హీరో విజయ్ కుమారుడు జేసన్ సంజయ్ సినీ ఇండస్ట్రీ ఎంట్రీకి రంగం సిద్ధమైంది. హీరోగా కాకుండా ఆయన దర్శకుడిగా తన ప్రస్థానం మొదలుపెట్టనున్నారు. ఈ మేరకు ప్రముఖ నిర్మాణ సంస్థ లైకా ప్రొడక్షన్తో సంజయ్ దర్శకత్వానికి ఒప్పందం కుదిరింది. కాగా ఈ సినిమాలో నటీనటులు ఇంకా ఖరారు కాలేదు. క్రికెట్ నేపథ్యంలో ఈ మూవీ తెరకెక్కనున్నట్లు సమాచారం.
Similar News
News April 6, 2026
అలర్ట్: రోజుకో టైమ్కు పడుకుంటున్నారా?
రోజుకో సమయానికి పడుకోవడం వల్ల సిర్కాడియన్ రిథమ్ దెబ్బతిని BP, హార్మోన్లపై ప్రతికూల ప్రభావం పడుతుందని ఓ అధ్యయనంలో తేలింది. ఫలితంగా గుండె జబ్బులు వచ్చే ప్రమాదం పెరుగుతుందని 3,000 మందిపై జరిపిన స్టడీ తేల్చింది. 7-8 గంటల కంటే తక్కువ నిద్రపోయే వారిలో ఈ ముప్పు అధికమని హెచ్చరించింది. ఉదయం నిద్రలేచే సమయం కంటే రాత్రి పడుకునే టైమ్ స్థిరంగా ఉంటే గుండె ఆరోగ్యాన్ని కాపాడుకోవచ్చని స్పష్టం చేసింది.
News April 6, 2026
CEC జ్ఞానేశ్ కుమార్కు రాజ్యసభలో ఊరట
చీఫ్ ఎలక్షన్ కమిషనర్ జ్ఞానేశ్ కుమార్పై టీఎంసీ పెట్టిన అభిశంసన తీర్మానాన్ని రాజ్యసభ ఛైర్మన్ సీపీ రాధాకృష్ణన్ తిరస్కరించారు. కాగా CEC తొలగింపునకు డిమాండ్ చేస్తూ ఈ తీర్మానంపై 193 మంది ఎంపీలు సంతకాలు చేశారు. సీఈసీ బీజేపీకి ఫేవర్గా నడుచుకుంటున్నారని ఆరోపిస్తూ ఉభయసభల్లోనూ ఈ అభిశంసనపై ప్రతిపక్ష నేతలు తీర్మానాన్ని ప్రవేశపెట్టారు. కాగా లోక్సభలో ఈ తీర్మానం ఇంకా పెండింగ్లో ఉంది.
News April 6, 2026
డిసెంబర్లో మహిళలకు చీరలు: సీఎం రేవంత్
TG: రాష్ట్రంలో మహిళలకు సీఎం రేవంత్ శుభవార్త చెప్పారు. వారికి డిసెంబర్లో చిలకపచ్చ రంగు చీరలు పంపిణీ చేస్తామని ప్రకటించారు. ఆదిలాబాద్ సభలో మాట్లాడుతూ ‘గతంలో ఇందిరమ్మ చీరలు ఇచ్చాం. పాల పిట్టల్లా మా అక్కలు కట్టుకొని వచ్చారు. ఈసారి చిలక పచ్చ రంగు చీరలకు నిధులు విడుదల చేయాలని డిప్యూటీ సీఎం భట్టి విక్రమార్కను కోరుతున్నా. పుట్టింటి సారెలా ఆడబిడ్డలకు చీరలు ఇస్తాం’ అని పేర్కొన్నారు.