News November 23, 2024
చంద్రబాబుపై రాళ్ల దాడి.. నిందితుల అరెస్ట్

AP: రెండేళ్ల క్రితం సీఎం చంద్రబాబుపై రాళ్ల దాడి చేసిన నిందితులను పోలీసులు ఇవాళ అరెస్ట్ చేశారు. నిందితులను కనికంటి సజ్జన్ రావు, బెజవాడ కార్తీక్, పరిమి కిశోర్గా గుర్తించారు. కాగా 2022 నవంబర్ 5న చంద్రబాబు ఎన్టీఆర్ జిల్లా నందిగామలో పర్యటించారు. రోడ్ షో చేస్తున్న సమయంలో లైట్లు ఆర్పేసి చంద్రబాబుపై కొందరు రాళ్ల దాడి చేశారు. ఈ ఘటనలో చీఫ్ సెక్యూరిటీ ఆఫీసర్ మధుకు గాయాలయ్యాయి.
Similar News
News December 1, 2025
తుఫాను లేటెస్ట్ అప్డేట్

దిత్వా తుఫాను తీవ్ర వాయుగుండంగా బలహీనపడిందని, రేపు ఉదయానికి వాయుగుండంగా బలహీనపడనుందని APSDMA పేర్కొంది. రేపు దక్షిణకోస్తా తీరం వెంబడి గంటకు 45-65 కి.మీ. వేగంతో ఈదురుగాలులు వీచే అవకాశం ఉందని విపత్తుల నిర్వహణ సంస్థ ఎండీ ప్రఖర్ జైన్ తెలిపారు. రేపు నెల్లూరు, తిరుపతి జిల్లాల్లో కొన్నిచోట్ల భారీ నుంచి అతిభారీ వర్షాలకు అవకాశం ఉందని, సముద్రం అలజడిగా ఉంటుందని, మత్స్యకారులు వేటకు వెళ్లరాదని సూచించారు.
News December 1, 2025
ఎల్లో అలర్ట్.. కాసేపట్లో వర్షం

TG: ఇవాళ అర్ధరాత్రి ఒంటి గంటలోపు రాష్ట్రంలో పలు జిల్లాల్లో వర్షం కురిసే ఛాన్స్ ఉందని హైదరాబాద్ వాతావరణ కేంద్రం తెలిపింది. జగిత్యాల, కామారెడ్డి, ఆసిఫాబాద్, మహబూబాబాద్, మంచిర్యాల, మెదక్, ములుగు, నిర్మల్, నిజామాబాద్, సిరిసిల్ల, సంగారెడ్డి, వికారాబాద్, వరంగల్ జిల్లాలకు ఎల్లో అలర్ట్ జారీ చేసింది.
News December 1, 2025
ప్రభుత్వ కార్యక్రమాలను ప్రజల్లోకి తీసుకెళ్లాలి: CBN

AP: రేపు నిర్వహించే పింఛను పంపిణీ కార్యక్రమంలో పార్టీ నేతలు, కార్యకర్తలు అందరూ పాల్గొనాలని సీఎం చంద్రబాబు ఆదేశించారు. ప్రభుత్వం చేపడుతున్న కార్యక్రమాలను అందరికీ చేరవేయాలని టెలి కాన్ఫరెన్స్లో సూచించారు. ఉగాది నాటికి మరో 5 లక్షల ఇళ్లను ప్రజలకు అందిస్తామని, ప్రతీ అర్హుడైన పేదవాడికీ సొంత ఇల్లు ఉండాలన్నది ప్రభుత్వ లక్ష్యమని పేర్కొన్నారు. గత పాలకుల విధ్వంసంపై ప్రజల్లో ఇంకా చర్చ జరగాలన్నారు.


