News September 26, 2024
OTTలోకి వచ్చేసిన బిగ్గెస్ట్ బ్లాక్బస్టర్ మూవీ ‘స్త్రీ-2’
ఈ ఏడాది బిగ్గెస్ట్ బాలీవుడ్ బ్లాక్బస్టర్ ‘స్త్రీ-2’ సినిమా భారీ వసూళ్లను రాబట్టిన విషయం తెలిసిందే. ఆగస్టు 15న రిలీజై రూ.600 కోట్లు వసూలు చేసిన ఈ సినిమా ఇప్పటికీ థియేటర్లలో అదరగొడుతోంది. తాజాగా ఈ మూవీ అమెజాన్ ప్రైమ్లో అందుబాటులోకి వచ్చింది. అయితే ఈ చిత్రం చూడాలంటే ప్రైమ్ మెంబర్షిప్ ఉన్నా రూ.349 రెంట్ చెల్లించాల్సి ఉంటుందని కంపెనీ తెలిపింది. కొన్నిరోజుల తర్వాత ఈ అద్దెను తొలగించే అవకాశం ఉంది.
Similar News
News January 1, 2026
NEW YEAR: హ్యాంగోవర్ తగ్గాలంటే..
న్యూ ఇయర్ వేడుకల్లో మద్యం, మసాలా ఆహారం అతిగా తీసుకోవడం వల్ల మరుసటి రోజు తలనొప్పి, కడుపులో మంట, వికారం వంటి <<18724599>>సమస్యలు<<>> ఎదురవుతాయి. ఉపశమనం కోసం ఎక్కువగా నీరు తాగి డీహైడ్రేషన్ను తగ్గించుకోవాలి. కొబ్బరి నీళ్లు/ నిమ్మరసం తాగితే శరీరానికి అవసరమైన ఎలక్ట్రోలైట్స్ అందుతాయి. అల్లం టీ వికారాన్ని, అరటిపండు నీరసాన్ని తగ్గిస్తుంది. తేలికపాటి ఆహారం తీసుకుని కాసేపు నిద్రపోతే హ్యాంగోవర్ తగ్గుతుంది. share it
News January 1, 2026
బత్తాయి జ్యూస్ లాభాలు తెలుసా?
నిత్యం మార్కెట్లో దొరికే బత్తాయి (మోసంబి) జ్యూస్ ఆరోగ్యానికి ఎంతో మంచిదని పోషకాహార నిపుణులు సూచిస్తున్నారు. ఈ జ్యూస్లో విటమిన్ C పుష్కలంగా ఉంటుంది. రోజూ ఒక గ్లాస్ తాగితే రోగనిరోధక శక్తి పెరుగుతుంది. ఫైబర్ ఎక్కువగా ఉండటంతో జీర్ణక్రియ మెరుగుపడి మలబద్ధకం తగ్గుతుంది. డిటాక్సిఫికేషన్ ద్వారా శరీరం శుభ్రపడుతుంది. కళ్లకు, చర్మానికి, జుట్టుకు మేలు చేస్తూ వృద్ధాప్య ఛాయలు తగ్గించడంలో సహాయపడుతుంది.
News January 1, 2026
మామిడి చెట్లకు పూత రావాలంటే ఏం చేయాలి?
ఈ సమయంలో మామిడిలో పూమొగ్గలను ఉత్తేజపరిచి త్వరగా పూత తెప్పించడానికి, ఆడపూల శాతం పెంచడానికి లీటరు నీటికి పొటాషియం నైట్రేట్ 10గ్రా., లీటరు నీటికి బోరాన్ 2గ్రా. కలిపి పిచికారీ చేయాలి. కొందరు రైతులు పూత రాకపోవడంతో ఆ మామిడి చెట్లకు ఇప్పుడు నీరు పెడుతుంటారు. ఇలా చేయడం వల్ల చెట్లలో మళ్లీ కొత్త చిగుర్లు వచ్చి, పూత రాకుండా పోతుంది లేదా పూత ఆలస్యమవుతుంది. నేలలో బెట్ట పరిస్థితులు పూత రావడానికి చాలా అవసరం.