News October 3, 2025
‘స్త్రీనిధి’ చెల్లింపులకు యాప్.. ఎలా వాడాలంటే?
AP: బ్యాంకుకు వెళ్లకుండా నేరుగా స్త్రీనిధి వాయిదా చెల్లింపుల కోసం ప్రభుత్వం ‘కాప్స్‌ రికవరీ’ అనే యాప్‌ను తీసుకొచ్చింది. అందులో సభ్యురాలి ఫోన్‌ నంబరు/పిన్‌‌తో లాగిన్‌ అవ్వాలి. గ్రూప్ పేరు సెలెక్ట్ చేస్తే లోన్ తీసుకున్నవారి లిస్ట్ కనిపిస్తుంది. పేరు క్లిక్‌ చేయగానే ఆమె చెల్లించాల్సిన మొత్తం స్క్రీన్‌పై కనిపిస్తుంది. డబ్బు చెల్లించాక రసీదు జనరేట్ అవుతుంది.
Similar News
News October 3, 2025
సారీ మమ్మీ బతకాలని లేదు: ఇట్లు నీ పింకీ
TG: పెదనాన్న వేధింపులు తాళలేక మేడ్చల్(D) కొంపల్లిలో అంజలి(17) ఆత్మహత్య చేసుకున్నారు. ‘అమ్మా నన్ను క్షమించు. బతకాలని లేదు. నాన్న చనిపోయాక పెదనాన్న ప్రతివారం గొడవకు వస్తున్నాడు. నాకు అవమానంగా ఉంది. మనల్ని ప్రశాంతంగా బతకనివ్వడు. ఫైనాన్స్ ఇప్పించి తానే నాన్నను చంపానని నాతో అన్నాడు. పెదనాన్నకు కచ్చితంగా శిక్ష పడాలి. సారీ మమ్మీ. ఇట్లు నీ పింకీ’ అని ఆమె సూసైడ్ నోట్‌ రాశారు. పోలీసులు దర్యాప్తు చేపట్టారు.
News October 3, 2025
పిల్లలకు పేర్లు సూచిస్తూ రూ.లక్షల్లో సంపాదన
ట్రెండ్‌కు తగ్గట్లు పేరు పెట్టడం కత్తిమీద సామే. అందుకే అలాంటి పేర్లను వెతికి సూచించే ఓ జాబ్ ఉందనే విషయం మీకు తెలుసా? USAలో ‘బేబీ నేమర్’ అనే ప్రత్యేకమైన ఉద్యోగం ఉంది. టేలర్ A. హంఫ్రీ అనే మహిళ పదేళ్ల క్రితం సరదాగా ఈ వృత్తిని స్టార్ట్ చేసి 2020లో ఒక్కో క్లయింట్‌ నుంచి $1,500 వసూలు చేశారు. ప్రస్తుతం సంపన్నుల పిల్లలకు పేర్లు పెట్టి లక్షలు పొందుతున్నారు. ఇలా నెలకు $30K(రూ.26లక్షలు) సంపాదిస్తున్నారు.
News October 3, 2025
మద్రాస్ హైకోర్టులో TVK పార్టీకి చుక్కెదురు
కరూర్ (TN) తొక్కిసలాటపై TVK పార్టీకి మద్రాస్ హైకోర్టులో చుక్కెదురైంది. కేసును CBIకి అప్పగించాలన్న అభ్యర్థనను తిరస్కరించింది. దర్యాప్తు ప్రారంభ దశలో ఉన్నందున ఎలాంటి ఉత్తర్వులు ఇవ్వలేమంది. ప్రజలకు నీళ్లు, ఆహారం కల్పించకుండా సభ ఎలా నిర్వహించారని నిలదీసింది. రోడ్డు మధ్యలో సభకు ఎందుకు అనుమతించారని పోలీసులను ప్రశ్నించింది. బాధితులకు పరిహారం పెంపుపై 2వారాల్లో సమాధానం ఇవ్వాలని ప్రభుత్వాన్ని ఆదేశించింది.