News March 20, 2024
రూ.2.50 లక్షలు లంచం తీసుకుంటూ దొరికిన సబ్ రిజిస్ట్రార్
AP: శ్రీసత్యసాయి జిల్లాకు చెందిన అవినీతి అధికారిని ఏసీబీ అధికారులు పట్టుకున్నారు. మడకశిర సబ్ రిజిస్ట్రార్ దామోదర్ రూ.2.50 లక్షలు లంచం తీసుకుంటూ ఏసీబీకి చిక్కాడు. ఓ రైతు తన 6.36 ఎకరాల అసైన్డ్ భూమిని రిజిస్ట్రేషన్ చేసేందుకు సబ్ రిజిస్ట్రార్‌ను ఆశ్రయించాడు. ఎకరాకు రూ.50వేల చొప్పున ఇవ్వాలని సబ్ రిజిస్ట్రార్ డిమాండ్ చేశారు. డబ్బు తీసుకునే సమయంలో దామోదర్‌తో పాటు దస్తావేజు లేఖరిని ఏసీబీ పట్టుకుంది.
Similar News
News January 6, 2025
ఆయన కోచ్‌గా ఉన్నప్పుడే బాగుంది: హర్భజన్
రాహుల్ ద్రవిడ్ కోచ్‌గా ఉన్న సమయంలోనే భారత జట్టు ప్రదర్శన బాగుందని మాజీ క్రికెటర్ హర్భజన్ సింగ్ అన్నారు. గత ఆర్నెళ్లుగా టీమ్ ఇండియా పర్ఫార్మెన్స్ ఆందోళనకరంగా ఉందని తన యూట్యూబ్ ఛానల్‌లో చెప్పారు. ఇంగ్లండ్‌తో జరగబోయే మ్యాచుల్లో భారత జట్టు సత్తా చాటాల్సి ఉందని తెలిపారు. రోహిత్, కోహ్లీ ఎవరైనా ఆట కంటే ఎక్కువ కాదని, మెరుగ్గా ఆడితేనే ఎంపిక చేయాలని అభిప్రాయపడ్డారు.
News January 6, 2025
25 లక్షల కంటే ఎక్కువ జీతం పొందుతున్న వారు ఎంతమందో తెలుసా?
దేశంలో ఆదాయ పన్ను చెల్లించేవారి సంఖ్య గణనీయంగా పెరుగుతోంది. 2024 ఆర్థిక సంవత్సరంలో ఇన్కమ్ టాక్స్ రిటర్న్స్ ఫైల్ చేసిన వారి జీతాలు ఇలా ఉన్నాయి. ఏడాదికి 5 లక్షల నుంచి 10 లక్షల జీతం ఉన్నవారు 1.28 కోట్ల మంది. 10L నుంచి 15L వరకు ఉన్నవారు 50 లక్షలు, 15L – 20L జీతం ఉన్నవారు 19L మంది, 20L – 25L వారు 9 లక్షలు, 25 L నుంచి 50 L జీతం పొందుతున్నవారు 13 లక్షల మంది ఉన్నారు. ఇంతకీ మీరు ఏ స్లాబ్‌లో ఉన్నారు
News January 6, 2025
చిక్కుల్లో నయనతార.. ‘చంద్రముఖి’ నిర్మాతల నోటీసులు
తన డాక్యుమెంటరీ విషయంలో స్టార్ హీరోయిన్ <<14626837>>నయనతారకు<<>> మరో సమస్య ఎదురైంది. చంద్రముఖి సినిమాలో కొన్ని క్లిప్పింగ్స్ తమ అనుమతి లేకుండా వాడారంటూ నిర్మాతలు నెట్‌ఫ్లిక్స్, నయన్‌కు నోటీసులు ఇచ్చారు. రూ.5 కోట్ల నష్ట పరిహారం చెల్లించాలని అందులో పేర్కొన్నారు. ఇదే డాక్యుమెంటరీపై హీరో ధనుష్ కూడా రూ.10 కోట్లకు దావా వేసిన విషయం తెలిసిందే. తాజా నోటీసులపై ఆమె ఎలా స్పందిస్తారో వేచిచూడాలి.