News May 25, 2024
‘CCTV లింక్’పై వివరాలు సమర్పించండి.. ECకి హైకోర్టు ఆదేశం
AP: స్ట్రాంగ్ రూంలకు అన్ని వైపులా CCకెమెరాలు ఏర్పాటు చేయాలంటూ వచ్చిన వినతులపై ఏం చర్యలు తీసుకున్నారో చెప్పాలని ECని హైకోర్టు ఆదేశించింది. స్ట్రాంగ్ రూంలను పర్యవేక్షించేందుకు అభ్యర్థులకు కూడా CCTV లింక్ను ఇవ్వడంపై పూర్తి వివరాలను సమర్పించాలని కోరింది. తదుపరి విచారణను ఈ నెల 30కి వాయిదా వేసింది. స్ట్రాంగ్ రూంల వద్ద భద్రతపై తగిన చర్యలు తీసుకునేలా ECని ఆదేశించాలంటూ కేఏ పాల్ ఈ పిటిషన్ దాఖలు చేశారు.
Similar News
News December 3, 2025
భారీ ఎన్కౌంటర్.. 15 మంది మృతి
ఛత్తీస్గఢ్లోని బీజాపూర్ జిల్లా దంతెవాడ అడవుల్లో జరిగిన భారీ <<18458130>>ఎన్కౌంటర్లో<<>> మృతుల సంఖ్య పెరిగింది. ఎదురుకాల్పుల్లో 12 మంది మావోలు మరణించగా ముగ్గురు పోలీసులు అమరులయ్యారు. ఘటనాస్థలం నుంచి మావోలకు సంబంధించిన భారీ ఆయుధాలను బలగాలు స్వాధీనం చేసుకున్నాయి. మరోవైపు జనవరి 1న అంతా లొంగిపోతామని ఇటీవల అభయ్ పేరిట మావోయిస్టు పార్టీ ప్రకటన విడుదల చేసిన విషయం తెలిసిందే.
News December 3, 2025
త్వరలో 40వేల ఉద్యోగాల భర్తీ: రేవంత్
TG: 2023 DEC 3న పదేళ్ల పాలనకు ప్రజలు చరమగీతం పాడారని CM రేవంత్ అన్నారు. ‘శ్రీకాంతాచారి బలిదానం కూడా ఇదేరోజు జరిగింది. ఆయన స్ఫూర్తితో 60వేల ఉద్యోగ ఖాళీలను భర్తీ చేశాం. మరో 40వేల కోసం ప్రణాళికలు రచిస్తున్నాం. రెండున్నరేళ్లలో లక్ష ఉద్యోగాలు భర్తీ చేస్తాం’ అని హుస్నాబాద్ సభలో ప్రకటించారు. 2001లో ఈ ప్రాంతం నుంచే ఉద్యమం ఉవ్వెత్తున ఎగిసిందని 2004లో కరీంనగర్లో సోనియా ప్రత్యేక రాష్ట్రంపై మాటిచ్చారన్నారు.
News December 3, 2025
ఈ విషయం మీకు తెలుసా?
చెప్పులు, బూట్లు కొనేటప్పుడు చాలా మంది పొడవు నంబర్ను మాత్రమే చూస్తారు. అయితే షూలకు పొడవుతో పాటు వెడల్పును సూచించే ప్రత్యేక నంబర్లు (ఉదాహరణకు, B,AA, EE) కూడా ఉంటాయి. ఇది తెలియక కొందరు కొత్తవి ఇరుకుగానే ఉంటాయని భావించి మౌనంగా నొప్పిని భరిస్తుంటారు. దీనివల్ల పాదాలు, అరికాళ్ల నొప్పులు వస్తాయని నిపుణులు చెబుతున్నారు. ఇకనుంచి షూ కొనే సమయంలో Width, Length చూడాలంటున్నారు. దీనికోసం పైనున్న ఫొటో చూడండి.