News October 14, 2024
‘INDIA’ కోసం రంగంలోకి సునీల్ క‌నుగోలు
మ‌హారాష్ట్ర ఎన్నిక‌ల్లో INDIA కూట‌మి గెలుపు కోసం వ్యూహకర్త సునీల్ క‌నుగోలు రంగంలోకి దిగారు. హరియాణాలో జాట్ల ఓట్ల స‌మీక‌ర‌ణ క్రమంలో మిగతా వ‌ర్గాలు దూర‌మ‌వ్వ‌డం కాంగ్రెస్ కొంపముంచింది. దీంతో MHలో అందరికీ స‌మ ప్రాధాన్యం ఇవ్వడం సహా, అసంతృప్తి నేత‌ల‌ను మ‌చ్చిక చేసుకొనే వ్యూహాలను పార్టీ ముందుంచినట్టు తెలిసింది. హరియాణాలో కాంగ్రెస్ రెబల్స్‌కు BJP సహకరించడం వల్లే ఓడిపోయామని కాంగ్రెస్ భావిస్తోంది.
Similar News
News November 20, 2025
“నా అవయవాలను దానం చేయండి”.. పదో తరగతి విద్యార్థి సూసైడ్
ఢిల్లీలో పదో తరగతి విద్యార్థి మెట్రో స్టేషన్‌ నుంచి దూకి ఆత్మహత్య చేసుకున్నాడు. సూసైడ్ నోట్‌లో ఉపాధ్యాయులు, ప్రిన్సిపల్ వేధింపులే తన మరణానికి కారణమని పేర్కొన్నాడు. “సారీ మమ్మీ, నేను చాలాసార్లు మిమ్మల్ని హర్ట్ చేశాను. చివరిసారిగా మళ్లీ అలా చేస్తున్నాను. స్కూల్‌లో టీచర్లు అలా ఉన్నారు. నేనేం చెప్పాలి” అని రాసుకొచ్చాడు. తన అవయవాలను దానం చేయాలని, బాధ్యులపై చర్యలు తీసుకోవాలని తన చివరి కోరికగా తెలిపాడు.
News November 20, 2025
రోజ్ మేరీ ఆయిల్‌‌తో ఎన్నో లాభాలు
పొడవాటి నల్లని, ఒత్తయిన జుట్టు కావాలని ప్రతిఒక్కరూ కోరుకుంటారు. వాటికోసం మార్కెట్లో దొరికే ప్రొడక్ట్స్ అన్నీ వాడతారు. వాటిల్లో ఒకటే రోజ్ మేరీ ఆయిల్. ఇందులో ఐరన్‌, క్యాల్షియం, విటమిన్‌ బి ఉంటాయి. ఇది జుట్టు కుదుళ్లకు లోపలి నుంచి పోషణ ఇస్తుంది. జుట్టు నిగనిగలాడుతూ కాంతిమంతంగా మారుతుంది. జుట్టు పెరుగుదలలో చక్కటి ఫలితాలుంటాయి. త్వరగా పొడిబారే జుట్టు ఉన్నవారికి ఇది చాలా ప్రయోజనకరంగా ఉంటుంది.
News November 20, 2025
ఎప్స్టీన్ సీక్రెట్ ఫైల్స్ విడుదలకు ట్రంప్ సైన్
లైంగిక నేరస్థుడు జెఫ్రీ ఎప్స్టీన్ సీక్రెట్ ఫైల్స్ విడుదలకు న్యాయశాఖను ఆదేశించే బిల్లుపై ట్రంప్ సంతకం చేశారు. తమ విజయాల నుంచి ప్రజల దృష్టి మరల్చేందుకు ఎప్స్టీన్ ఫైల్స్‌ను <<18272345>>డెమోక్రాట్లు<<>> ఉపయోగించుకున్నారని ఆయన ఆరోపించారు. 2019లో ఫెడరల్ జైలులో ఎప్స్టీన్ మరణంపై దర్యాప్తుకు సంబంధించిన వివరాలు వెల్లడించాలని ఈ బిల్లు కోరుతోంది. ఈ క్రమంలో ఎవరి పేర్లు బయటపడతాయోనని ఆసక్తి నెలకొంది.