News October 28, 2024
సూపర్ న్యూస్.. కృష్ణుడి పాత్రలో మహేశ్ బాబు?
సూపర్ స్టార్ మహేశ్ బాబు ఫ్యాన్స్‌కు గుడ్ న్యూస్. రాజమౌళితో మూవీ షూటింగ్ ఇంకా మొదలు కాకపోగా ‘దేవకీ నందన వాసుదేవ’ సినిమాలో ఆయన అతిథి పాత్రలో కనిపిస్తారని తెలుస్తోంది. ఆయన మేనల్లుడు గల్లా అశోక్ హీరోగా నటించిన చిత్రంలో క్లైమాక్స్‌లో కృష్ణుడిగా కనిపిస్తారని నెట్టింట చర్చ జరుగుతోంది. ఈ సినిమాకు ‘హనుమాన్’ దర్శకుడు ప్రశాంత్ వర్మ కథను అందించడం గమనార్హం. కాగా మహేశ్ పాత్రపై త్వరలోనే అధికారిక ప్రకటన రానుంది.
Similar News
News October 28, 2024
డ‌బ్బు, న‌గ‌ల‌తోపాటు CCTV ఫుటేజీనీ ఎత్తుకెళ్లారు!
ఓ బ్యాంకును లూటీ చేసిన దొంగ‌ల ముఠా డ‌బ్బు, న‌గ‌ల‌తోపాటు అక్క‌డి CCTV ఫుటేజ్‌ని కూడా ఎత్తుకెళ్లిన ఘ‌ట‌న క‌ర్ణాట‌క‌లో చోటుచేసుకుంది. న్యామ‌తి టౌన్‌లోని SBI ACB నెహ్రూ రోడ్ బ్రాంచ్‌లో కిటికీలను గ్యాస్ కట్టర్‌తో కట్ చేసి చోరీకి పాల్ప‌డిన ముఠా లాక‌ర్ల‌లోని డ‌బ్బు, బంగారాన్ని దోచుకెళ్లారు. అలాగే పోలీసుల‌కు త‌మ ఆన‌వాళ్లు ల‌భించ‌కూడ‌ద‌ని CCTV ఫుటేజ్‌ని సైతం ఎత్తుకెళ్లారు. పోలీసులు దర్యాప్తు చేస్తున్నారు.
News October 28, 2024
ఏఎన్ఆర్ జాతీయ అవార్డు ఫంక్షన్‌లో తారల సందడి
ANR జాతీయ అవార్డు ఫంక్షన్‌లో టాలీవుడ్ తారలు సందడి చేశారు. రామ్ చరణ్, విక్టరీ వెంకటేశ్, నాగచైతన్య, నాని, అఖిల్ హాజరయ్యారు. సినీ నిర్మాత అల్లు అరవింద్, దర్శకుడు రాఘవేంద్రరావు, త్రివిక్రమ్‌తో పాటు సుధీర్ బాబు, నాగచైతన్యకు కాబోయే సతీమణి శోభిత కూడా ఈ కార్యక్రమానికి వచ్చారు. సీనియర్ నటులు రాజేంద్రప్రసాద్, రమ్యకృష్ణ, బ్రహ్మానందం హాజరయ్యారు.
News October 28, 2024
ఉచిత సిలిండర్ పథకం.. కీలక అప్డేట్
AP: ఉచిత గ్యాస్ సిలిండర్ల పథకానికి ప్రభుత్వం నిధులు విడుదల చేస్తూ ఉత్తర్వులు జారీ చేసింది. గ్యాస్ కంపెనీలు, పౌరసరఫరాల జాయింట్ అకౌంట్‌కు రూ.895 కోట్లు రిలీజ్ చేసింది. పట్టణ ప్రజలకు 24 గంటల్లో, గ్రామీణ ప్రజలకు 48 గంటల్లో DBT ద్వారా డబ్బులు జమచేయనుంది. ఈ స్కీమ్ ద్వారా ఏడాదికి మూడు సిలిండర్లు ఇవ్వనుంది. కాగా ఈ నెల 31 నుంచి ఈ పథకం అమలులోకి రానున్నట్లు ప్రభుత్వం ఇప్పటికే ప్రకటించింది.