News May 22, 2024

హేమంత్ సోరెన్‌పై సుప్రీం కోర్టు ఆగ్రహం

ఝార్ఖండ్ మాజీ సీఎం హేమంత్ సోరెన్‌ దాఖలు చేసిన మధ్యంతర బెయిల్‌ పిటిషన్‌ను సుప్రీం కోర్టు తిరస్కరించింది. తాను వేసిన బెయిల్ పిటిషన్‌ ట్రయల్ కోర్టులో పెండింగ్‌లో ఉన్న విషయాన్ని హేమంత్ దాచిపెట్టారని ఆగ్రహం వ్యక్తం చేసింది. దీంతో ఆయన తరఫు సీనియర్ అడ్వొకేట్ కపిల్ సిబల్ బెయిల్ పిటిషన్‌ను ఉపసంహరించుకున్నారు. కాగా.. మనీ లాండరింగ్ కేసులో నిందితుడిగా ఉన్న హేమంత్ ప్రస్తుతం జైలులో ఉన్న విషయం తెలిసిందే.