News July 19, 2024
గవర్నర్లకు నేర విచారణ నుంచి రక్షణపై.. సుప్రీం కీలక నిర్ణయం
బెంగాల్ గవర్నర్‌పై లైంగిక వేధింపుల ఆరోపణల విషయంలో సుప్రీంకోర్టు కీలక నిర్ణయం తీసుకుంది. బాధితురాలి పిటిషన్ మేరకు నేర విచారణ నుంచి గవర్నర్‌కు మినహాయింపునిచ్చే ఆర్టికల్ 361 నిబంధనను పరిశీలించేందుకు అంగీకరించింది. దీని కింద రాష్ట్రపతి/గవర్నర్ తన పవర్స్, విధుల విషయంలో ఎవరికీ జవాబుదారీగా ఉండరు. కాగా గవర్నర్ ఆనంద బోస్ లైంగికంగా వేధించారంటూ అక్కడి రాజ్‌భవన్‌లో పని చేసే ఓ మహిళ పోలీసులకు ఫిర్యాదు చేశారు.
Similar News
News November 29, 2025
వాట్సాప్‌ను నిషేధిస్తాం: రష్యా
మెసేజింగ్ యాప్ వాట్సాప్‌పై నిషేధం విధిస్తామని రష్యా హెచ్చరించింది. తమ చట్టాల ప్రకారం సర్వీసులు లేకుంటే పూర్తిగా బ్యాన్ చేస్తామని స్పష్టం చేసింది. చట్టాలను ఉల్లంఘిస్తోందని, నేరాల కట్టడిలోనూ సహకరించడంలేదని రష్యా స్టేట్ కమ్యూనికేషన్స్ వాచ్‌డాగ్ ‘Roskomnadzor’ ఆరోపించింది. టెర్రరిస్టు దాడులు చేసేందుకు యాప్‌ను దుర్వినియోగం చేస్తున్నారని చెప్పింది. యూజర్లు స్వదేశీ యాప్‌లను ఎంచుకోవాలని పేర్కొంది.
News November 29, 2025
గెలవడంపైనే దృష్టి.. రుతురాజ్‌కు అవకాశాలు: KL రాహుల్
SAతో టెస్ట్ సిరీస్ ఓటమిని మర్చిపోయి ODI సిరీస్ గెలవడంపై దృష్టి పెడతామని టీమ్ ఇండియా కెప్టెన్ KL రాహుల్ అన్నారు. రేపు SAతో తొలి ODI సందర్భంగా ప్రెస్‌తో మాట్లాడారు. ‘రోహిత్, కోహ్లీ ఉండటం వల్ల డ్రెస్సింగ్ రూమ్‌లో కాన్ఫిడెన్స్ పెరుగుతుంది. ఈ సిరీస్‌లో రుతురాజ్‌కు అవకాశం ఇవ్వాలని అనుకుంటున్నాం. పంత్ ఆడితే అతడే కీపర్ బాధ్యతలు తీసుకుంటాడు. స్పిన్‌ను బెటర్‌గా ఆడటంపై దృష్టిపెడుతున్నాం’ అని పేర్కొన్నారు.
News November 29, 2025
శ్రీలంకలో చిక్కుకున్న ఏపీవాసులు.. స్పందించిన మంత్రి లోకేశ్
AP: దిత్వా తుఫాన్‌ కారణంగా భారీ వర్షాలు శ్రీలంకను ముంచెత్తుతున్నాయి. దీంతో పలు విమానాలు రద్దయ్యాయి. ఈ క్రమంలో కువైట్ నుంచి ఇండియాకు వస్తున్న నెల్లూరు(D)కు చెందిన ఏడుగురు ప్రయాణికులు శ్రీలంకలోని కొలంబో ఎయిర్‌పోర్టులో చిక్కుకున్నారు. చెన్నైకి రావాల్సిన విమానం రద్దవడంతో రెండు రోజులుగా తీవ్ర ఇబ్బందులు పడుతున్నారు. వారిని వెంటనే APకి తీసుకొచ్చేందుకు చర్యలు తీసుకుంటున్నట్లు మంత్రి లోకేశ్ తెలిపారు.