News October 18, 2024
రోలెక్స్ పాత్రపై సూర్య ఇంట్రెస్టింగ్ కామెంట్స్
తమిళ స్టార్ హీరో సూర్య పోషించిన ‘రోలెక్స్’ పాత్రకు చాలా క్రేజ్ ఉంది. విక్రమ్ సినిమాలో కేవలం 5 నిమిషాలే కనిపించినా ఈ పాత్రకు ఎనలేని గుర్తింపు వచ్చింది. అయితే, రోలెక్స్ పాత్ర గురించి సూర్య ‘కంగువా’ ప్రమోషన్స్లో ఇంట్రెస్టింగ్ వ్యాఖ్యలు చేశారు. ‘రోలెక్స్ సినిమాకి ఇది వరకే నేను చేసిన మరో సినిమాకి కనెక్షన్ ఉంది’ అని చెప్పారు. దీంతో ఆ సినిమా ఏంటనే దానిపై ఆసక్తి నెలకొంది. దీనిపై మీ కామెంట్.
Similar News
News December 10, 2025
భవానీ దీక్షల విరమణ.. భద్రత కట్టుదిట్టం: సీపీ
విజయవాడ భవానీ దీక్షల విరమణ కార్యక్రమాల నేపథ్యంలో సీపీ రాజశేఖర్ బాబు హోల్డింగ్ ఏరియాలు, సీసీ కెమెరాల ఏర్పాట్లను బుధవారం పరిశీలించారు. ఈ నెల 11 నుంచి 15వ తేదీ వరకు జరుగనున్న దీక్షా విరమణ, మహా పూర్ణాహుతి దృష్ట్యా బందోబస్తుకు వచ్చిన అధికారులకు విధులపై దిశానిర్దేశం చేశారు. సీతమ్మ వారి పాదాల వద్ద, మున్సిపల్ కార్యాలయం దగ్గర ఏర్పాటు చేసిన హోల్డింగ్ ఏరియాలను సందర్శించి అధికారులకు సూచనలు చేశారు.
News December 10, 2025
ఇతిహాసాలు క్విజ్ – 92 సమాధానం
ఈరోజు ప్రశ్న: గణపతి, కార్తీకేయ సోదరులను ముల్లోకాలు చుట్టిరమ్మనే పరీక్ష శివుడు ఎందుకు పెట్టాడు?
సమాధానం: ప్రమథగణాలకు నాయకత్వం వహించడానికి అర్హులెవరో నిర్ణయించడానికి శివుడు ఈ పరీక్ష పెట్టాడు. కార్తికేయుడు లోకాలు చుట్టడానికి వెళ్లగా, గణపతి శివపార్వతుల చుట్టూ ప్రదక్షిణ చేసి తల్లిదండ్రులే సకల లోకాలు అని నిరూపించాడు. అలా వినాయకుడు సకల కార్యాలలో తొలి పూజలు అందుకునే వరాన్ని అనుగ్రహించాడు.
<<-se>>#Ithihasaluquiz<<>>
News December 10, 2025
పంచాయతీ ఎన్నికలు.. స్కూళ్లకు రేపు సెలవు
తెలంగాణలో రేపు తొలి విడత ఎన్నికల పోలింగ్ జరగనుంది. 3,800 గ్రామాల్లో సర్పంచ్, వార్డుల సభ్యులను ఎన్నుకోనున్నారు. దీంతో పోలింగ్ కేంద్రాలు ఏర్పాటు చేసిన స్కూళ్లకు విద్యాశాఖ అధికారులు రేపు సెలవు ప్రకటించారు. ఆయా స్కూళ్లకు ఇవాళ కూడా హాలిడే ఉంది. తర్వాత జరిగే 2 విడతల పోలింగ్ నేపథ్యంలో ఈ నెల 13,14(ఆదివారం),16,17న కూడా స్కూళ్లకు సెలవులు ఉండనున్నాయి.