News December 19, 2025
SVU: అమ్మాయిలపై ర్యాగింగ్.. ప్రొఫెసర్కు మళ్లీ ఉద్యోగం.!
SVU సైకాలజీ <<18218622>>HOD<<>> విశ్వానాథ్ రెడ్డి ఆధ్వర్యంలో సీనియర్లు జూనియర్లను <<18215421>>ర్యాగింగ్<<>> చేసిన ఘటన తెలిసిందే. అప్పట్లో ఈయన్ను ఉన్నాతాధికారులు సస్సెండ్ చేశారు. విచారణ కమిటీ ముందు తనకు సంబంధం లేదని ఆయన పేర్కొన్నారట. దీంతో విశ్వనాథ్పై నిషేధం ఎత్తేస్తూ పోస్టింగ్ ఇచ్చారు. ఈ ఘటన ఆలస్యంగా వెలుగులోకి వచ్చింది. కేసు విచారణ జరుగుతుండగా సస్పెన్షన్ ఎత్తివేయడం SVUలోనే సాధ్యం అంటూ పలువురు ఎద్దేవా చేశారు.
Similar News
News December 30, 2025
అలా సందుల్లో దూరడం విజ్ఞత అనిపించుకోదు.. సజ్జనార్ స్వీట్ వార్నింగ్
TG: న్యూ ఇయర్ వేడుకల వేళ యువతకు హైదరాబాద్ సీపీ సజ్జనార్ హెచ్చరికలు జారీ చేశారు. చౌరస్తాల్లో డ్రంక్ అండ్ డ్రైవ్ తనిఖీలు ఉంటాయనే భయంతో సందుల్లో దూరి, ప్రమాదకరంగా వాహనాలు నడపడం విజ్ఞత అనిపించుకోదని స్పష్టం చేశారు. మద్యం మత్తులో వాహనం నడపడం మృత్యువును ఆహ్వానించడమేనని, ఒకవేళ యముడు వదిలేసినా చట్టం వదలదన్నారు. ‘మీ ప్రాణం విలువ మాకు తెలుసు. కాబట్టే ఈ హెచ్చరిక’ అని ట్వీట్ చేశారు.
News December 30, 2025
అవార్డ్ అందుకున్న ధర్మారం యువకుడు
ధర్మారం మండలానికి చెందిన కోలిపాక కుమారస్వామి తన జీరో బడ్జెట్తో “కళాకారుడు” అనే షార్ట్ ఫిల్మ్ని నిర్మించి బతుకమ్మ యంగ్ ఫిల్మ్ మేకర్స్ ఛాలెంజ్-2025 అవార్డు అందుకున్నారు. 3 నిమిషాల చిత్రాన్ని 15 రోజుల్లో పూర్తిచేసి 500కుపైగా చిన్న సినిమాలను పోటీలో అధిగమించారు. రవీంద్రభారతిలో జరిగిన కార్యక్రమంలో మంత్రి కోమటిరెడ్డి, TGFDC ఛైర్మన్ దిల్ రాజు, దర్శకుడు హరీశ్ శంకర్ తదితరులు కుమారస్వామిని అభినందించారు.
News December 30, 2025
భువనగిరి జిల్లా తొలి ఎస్పీగా అక్షాంశ్ యాదవ్
యాదాద్రి భువనగిరి జిల్లా తొలి ఎస్పీగా అక్షాంశ్ యాదవ్ నియమితులయ్యారు. ఫ్యూచర్ సిటీ, హైదరాబాద్ పరిధిలోని కమిషనరేట్ల పునర్ వ్యవస్థీకరణలో భాగంగా రాచకొండ పరిధిలోని భువనగిరి జోన్ను ప్రత్యేక పోలీస్ జిల్లాగా గుర్తిస్తూ ప్రభుత్వం సోమవారం ఉత్తర్వులు జారీ చేసింది. ప్రస్తుతం ఇక్కడ డీసీపీగా విధులు నిర్వహిస్తున్న అక్షాంశ్ యాదవ్నే ప్రభుత్వం జిల్లా ఎస్పీగా నియమించింది.