News June 3, 2024
T20 WC: టీ20ల్లో శ్రీలంకకు అత్యల్ప స్కోర్
టీ20 వరల్డ్కప్లో భాగంగా సౌతాఫ్రికాతో జరుగుతున్న మ్యాచులో శ్రీలంక 77 రన్స్కే కుప్పకూలింది. ఆ జట్టు బ్యాటర్లలో కుశాల్ మెండిస్ (19) టాప్ స్కోరర్గా నిలిచారు. సౌతాఫ్రికా బౌలర్లలో అన్రిచ్ నోకియా 4, కేశవ్ మహరాజ్ 2, రబాడ 2 వికెట్లు తీయగా, బార్ట్మన్ ఒక వికెట్ పడగొట్టారు. టీ20ల్లో శ్రీలంకకు ఇదే అత్యల్ప స్కోర్.
Similar News
News January 22, 2026
HYD: 500 మందిని ఉరితీసింది ఇక్కడే
‘కాలాపానీ’ అనగానే అండమాన్ గుర్తుకొస్తుంది. కానీ దాని రూపకల్పనకు మన HYDలోని ఓ జైలు ఆధారమైందన్న విషయం చాలామందికి తెలియదు. దీనిని సికింద్రాబాద్ తిరుమలగిరిలో 1858లో బ్రిటిష్ పాలకులు నిర్మించారు. 20,344 గజాల విస్తీర్ణంలో పచ్చీస్ ఆకారంలో, 75 చీకటి గదులతో ఈ కారాగారాన్ని కట్టించారు. ఇందులో 500 మందికిపైనే ఉరేశారు. 1994 వరకు జైలుగా వినియోగించారు. దీనినే నమూనాగా తీసుకుని 1906లో ‘కాలాపానీ’ని నిర్మించారు.
News January 22, 2026
దాడి చేయకపోయినా అణ్వస్త్రాలతో 40 లక్షల మంది మృతి!
1945-2017 మధ్య న్యూక్లియర్ వెపన్స్ వల్ల లక్షలాది ముందస్తు మరణాలు సంభవించినట్లు ‘నార్వేజియన్ పీపుల్స్ ఎయిడ్’ రిపోర్ట్ వెల్లడించింది. అదేంటి.. హిరోషిమా, నాగసాకి తర్వాత అణ్వస్త్రాల దాడి జరగలేదు కదా అనుకుంటున్నారా? అయితే ఈ వెపన్స్ టెస్టింగ్స్ వల్ల దాదాపు 40 లక్షల మంది తమ జీవితకాలం కంటే ముందే చనిపోయారని నివేదిక తెలిపింది. 9 దేశాల్లో 2,400కు పైగా న్యూక్లియర్ వెపన్స్ పరీక్షలు జరిగినట్లు వెల్లడించింది.
News January 22, 2026
100% హోమ్ లోన్.. RBI రూల్ ఏంటి?
డౌన్ పేమెంట్ లేకుండా బ్యాంక్ లోన్తో ఇల్లు కొనుగోలు చేయొచ్చని ప్రసారమయ్యే యాడ్స్లో నిజం లేదు. RBI నిబంధనల ప్రకారం బ్యాంకులు, హౌసింగ్ ఫైనాన్స్ కంపెనీలు ప్రాపర్టీ విలువలో 100%కి లోన్ ఇవ్వవు. పర్సనల్ సేవింగ్స్ నుంచి కొనుగోలుదారుడు కొంత మొత్తాన్ని తప్పకుండా చెల్లించాలి. రూ.30లక్షల వరకు ఉన్న ప్రాపర్టీకి 90%, రూ.30లక్షల-75లక్షల వరకు 80%, రూ.75లక్షల కంటే ఎక్కువైతే 75% వరకు మాత్రమే లోన్ మంజూరు చేయొచ్చు.