News November 21, 2024
టేబుల్ టాపర్‌గా తెలుగు టైటాన్స్
ప్రో కబడ్డీలో తెలుగు టైటాన్స్ మరో విజయం సాధించింది. బెంగాల్ వారియర్స్‌తో జరిగిన మ్యాచ్‌లో 31-29 పాయింట్ల తేడాతో గెలిచింది. విజయ్ మాలిక్ సూపర్-10తో రాణించడంతో తెలుగు టైటాన్స్ విక్టరీ సాధించింది. ఈ గెలుపుతో టైటాన్స్ పాయింట్ల పట్టికలో అగ్ర స్థానానికి దూసుకెళ్లింది. టైటాన్స్ ఇప్పటివరకు 12 మ్యాచులు ఆడి 8 గెలిచి నాలుగింట్లో ఓడింది.
Similar News
News November 22, 2024
మా డాడీ ఫస్ట్ బైక్ ఇదే: సల్మాన్ ఖాన్
బాలీవుడ్ స్టార్ హీరో సల్మాన్ ఖాన్ తన తండ్రి సలీమ్ ఖాన్ కొనుగోలు చేసిన తొలి బైక్ ఏంటో సోషల్ మీడియాలో వెల్లడించారు. ట్రయంఫ్ టైగర్ 100 బైకును 1956లో కొన్నట్లు తెలిపారు. తన తండ్రి, ఆ బైకుతో తీసుకున్న ఫొటోలను Xలో పోస్ట్ చేశారు. కాగా ప్రస్తుతం ఆయన ఏఆర్ మురగదాస్ దర్శకత్వంలో ‘సికందర్’ అనే సినిమాలో నటిస్తున్నారు. రష్మిక మందాన హీరోయిన్‌గా నటిస్తున్న ఈ మూవీ వచ్చే ఏడాది రిలీజ్ కానుంది.
News November 22, 2024
సురేఖపై నాగార్జున దావా.. ఈనెల 28న తీర్పు
TG: మంత్రి కొండా సురేఖపై హీరో నాగార్జున దాఖలు చేసిన పరువునష్టం కేసులో ఇరుపక్షాల వాదనలు ముగిశాయి. సురేఖ దాఖలు చేసిన కౌంటర్ పిటిషన్‌పై గురువారం ప్రజాప్రతినిధుల కోర్టులో విచారణ జరిగింది. అభ్యంతరకర వ్యాఖ్యలు చేసిన మంత్రిపై కఠిన చర్యలు తీసుకోవాలని నాగార్జున తరఫు లాయర్ డిమాండ్ చేశారు. వాదనల అనంతరం తీర్పును రిజర్వ్ చేసిన జడ్జి, ఈనెల 28న తీర్పును వెల్లడించనున్నట్లు తెలిపారు.
News November 22, 2024
BGT తొలి టెస్టు: అశ్విన్, జడేజా ఆడట్లేదా?
మరికొన్ని గంటల్లో ప్రారంభం కాబోతున్న BGT తొలి టెస్టులో భారత్ బౌలింగ్ కాంబినేషన్ ఎలా ఉంటుందనేది ఆసక్తికరంగా మారింది. నలుగురు పేసర్లు, ఒక స్పిన్నర్‌తో బరిలోకి దిగే అవకాశముంది. అశ్విన్, జడేజాను కాదని సుందర్ వైపు టీమ్ మేనేజ్‌మెంట్ మొగ్గు చూపుతున్నట్లు సమాచారం. ఇటీవల NZ సిరీస్‌లో సుందర్ 2 మ్యాచుల్లో 16 వికెట్లు తీసిన సంగతి తెలిసిందే. ఇక పేసర్లుగా బుమ్రా, సిరాజ్, రాణా, నితీశ్ ఆడనున్నట్లు తెలుస్తోంది.