News July 10, 2025
టెన్నిస్ ప్లేయర్ దారుణ హత్య
యువ టెన్నిస్ ప్లేయర్ రాధికా యాదవ్‌(25)ను ఆమె తండ్రి దారుణంగా హత్య చేశారు. ఈ ఉ.10.30గంటలకు హరియాణా గురుగ్రామ్‌లోని ఇంట్లో రాధికపై ఆయన పలు రౌండ్ల కాల్పులు జరిపారు. తీవ్రంగా గాయపడిన ఆమెను ఆసుపత్రికి తరలించగా అప్పటికే మరణించినట్లు వైద్యులు తెలిపారు. ఇన్‌స్టా రీల్స్ చేయొద్దని పలుమార్లు హెచ్చరించినా రాధిక వినకపోవడంతోనే తండ్రి ఈ ఘాతుకానికి పాల్పడినట్లు తెలుస్తోంది. నిందితుడిని పోలీసులు అరెస్ట్ చేశారు.
Similar News
News July 11, 2025
EP-4: ఈ 3 విషయాలు మీ పిల్లలను హీరోలను చేస్తాయి: చాణక్య నీతి
పిల్లలు ప్రయోజకులు అవ్వాలంటే వారికి ఈ 3 విషయాలు చిన్నప్పటి నుంచే నేర్పించాలని చాణక్యుడు తెలిపారు. పిల్లలు సత్యమార్గం అనుసరించేలా చేయాలి. అబద్ధాలతో కలిగే అనర్థాలను వివరించాలి. పిల్లలకు క్రమశిక్షణ నేర్పించాలి. అదే వారిని ఉన్నత శిఖరాలు అధిరోహించేలా చేస్తుంది. చిన్నప్పటి నుంచే వారికి విలువలు నేర్పాలి. పెద్దలను గౌరవించడం, తోటి వారితో మానవత్వంతో మెలగడం వంటివి నేర్పించాలి.
<<-se>>#Chanakyaneeti<<>>
News July 11, 2025
డేటా అవసరం లేని వారికోసం Airtel కొత్త ప్లాన్
ఎయిర్‌టెల్ సంస్థ కస్టమర్స్ కోసం కొత్తగా రూ.189 ప్లాన్ తీసుకొచ్చినట్లు ప్రకటించింది. డేటా కోసం కాకుండా నంబరును యాక్టివ్‌గా ఉంచాలనుకునే వారికి, ఇంటర్నెట్ పెద్దగా వాడని పేరెంట్స్‌కి ఈ ప్లాన్ యూజ్ అవుతుంది. ఈ ప్లాన్ 21 రోజుల వ్యాలిడిటీతో వస్తుంది. ఇందులో అన్ని నెట్వర్కులకు అపరిమిత వాయిస్ కాల్స్, 1GB మొబైల్ డేటా, 300 SMSలు వస్తాయి. అయితే ఇది డేటా ఎక్కువగా వాడే వారికి అంత ఉపయోగంగా ఉండదు.
News July 11, 2025
అరుదైన ఘనత.. వరుస ఓవర్లలో 2 హ్యాట్రిక్స్
ENG సఫోల్క్ కౌంటీకి చెందిన కిశోర్ కుమార్ సాధక్ అనే 37 ఏళ్ల స్పిన్నర్ రేర్ ఫీట్ సాధించారు. UKలోనీ టూ కౌంటీస్ ఛాంపియన్‌షిప్‌లో కెస్‌గ్రేవ్‌తో జరిగిన డివిజన్ మ్యాచ్‌లో వరుసగా 2ఓవర్లలో 2హ్యాట్రిక్స్ నమోదు చేశారు. ఇప్స్‌విచ్ & కోల్చెస్టర్ తరఫున బరిలోకి దిగిన సాధక్ 6 ఓవర్లేసి 20 రన్స్ ఇచ్చి ఆరుగురిని అవుట్ చేశారు. వారిలో ఐదుగురు డకౌట్ కావడం విశేషం. ఈ మ్యాచ్‌లో సాధక్ జట్టు 7వికెట్ల తేడాతో గెలిచింది.