News August 19, 2024
దాదులో ఉగ్ర‌దాడి.. సైనికుడి వీర‌మ‌ర‌ణం
జ‌మ్మూక‌శ్మీర్‌లోని దాదులో జ‌రిగిన ఉగ్ర‌దాడిలో ఒక సీఆర్‌పీఎఫ్ జవాను వీర‌మ‌ర‌ణం పొందారు. ఉగ్రవాదులు చొరబడ్డారన్న సమాచారంతో ఉధంపూర్ జిల్లా బసంత్‌గఢ్‌లోని దాదు ప్రాంతంలో సైనికులు పెట్రోలింగ్‌ చేపట్టారు. ఈ క్రమంలో ఉగ్రవాదులు కాల్పులు జరిపారు. ఎదురుకాల్పుల్లో గాయ‌ప‌డిన సీఆర్‌పీఎఫ్ జవాను ఒక‌రు మృతి చెందారు.
Similar News
News November 29, 2025
బుడిబుడి అడుగులు భద్రంగా ఉండాలంటే..
పిల్లలు తప్పటడుగులు వేసేటప్పుడు పడిపోవడం సహజం. అయితే ఇలాంటప్పుడు వారు సేఫ్‌గా ఉండాలంటే పేరెంట్స్ కొన్ని జాగ్రత్తలు తీసుకోవాలంటున్నారు నిపుణులు. ఈ సమయంలో వారికి పొడవైన డ్రెస్‌లు వేయకూడదు. పాదాలకు సాక్స్‌, బయటికి వెళ్తే మెత్తని షూస్‌ వేయాలి. దెబ్బలు తగలకుండా చేతులకు గ్లౌజ్‌లు వేయాలి. వాకర్‌లో ఎక్కువసేపు ఉంచితే నడుమునొప్పి వస్తుంది కాబట్టి తక్కువ సమయమే ఉంచాలి. వారిని ఎప్పటికప్పుడు గమనిస్తూ ఉండాలి.
News November 29, 2025
iBOMMA అంటే ఇంటర్నెట్ బొమ్మ: రవి
TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్‌సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్‌సైట్‌కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.
News November 29, 2025
ట్రంప్ షాక్‌తో భారీగా పడిపోయిన ఎగుమతులు
అమెరికా అధ్యక్షుడు డొనాల్డ్ ట్రంప్ విధించిన భారీ టారిఫ్‌లతో 2025 మే నుంచి అక్టోబర్ మధ్య భారత ఎగుమతులు 28.5% క్షీణించాయని GTRI వెల్లడించింది. ముఖ్యంగా రత్నాలు, నగలు, టెక్స్‌టైల్‌ , కెమికల్స్, సముద్ర ఆహారం వంటి రంగాలు 31% వరకూ నష్టపోయాయి. స్మార్ట్‌ఫోన్ ఎగుమతులు 36% పడిపోయాయి. సుంకాలు తగ్గించేందుకు ప్రభుత్వం నుంచి చర్యలు ఆలస్యం కావడం పరిస్థితిని మరింత కఠినతరం చేస్తోందని GTRI హెచ్చరించింది.