News January 4, 2025
చిరు పాత్ర గురించి చెప్పేది అప్పుడే: అనిల్ రావిపూడి
మెగాస్టార్ చిరంజీవితో తాను తెరకెక్కించే సినిమాలో క్యారెక్టరైజేషన్ విభిన్నంగా ఉంటుందని డైరెక్టర్ అనిల్ రావిపూడి ఓ ఇంటర్వ్యూలో తెలిపారు. ‘చిరును శ్రీకాంత్ ఓదెల ఒకలా చూపిస్తే నేను ఇంకోలా చూపిస్తాను. ఫైనల్గా ఆడియన్స్ను మెప్పించడమే లక్ష్యం. ప్రస్తుతం స్టోరీ లైన్ ఓకే అయింది కానీ స్క్రిప్ట్ పని జరుగుతోంది. అది పూర్తయ్యాకే ఆయన పాత్ర చిత్రణ గురించి చెబుతాను’ అని స్పష్టం చేశారు.
Similar News
News December 19, 2025
HALలో 156 ఉద్యోగాలకు నోటిఫికేషన్
హిందుస్థాన్ ఏరోనాటిక్స్ లిమిటెడ్(HAL)లో 156 ఆపరేటర్ ఉద్యోగాలకు నోటిఫికేషన్ వెలువడింది. కాంట్రాక్ట్ బేసిస్లో భర్తీ చేస్తారు. ఎలక్ట్రానిక్స్, ఫిట్టింగ్, గ్రిండింగ్, మెషినింగ్, టర్నింగ్ కేటగిరీల్లో ఖాళీలున్నాయి. సంబంధిత ట్రేడ్లో మూడేళ్ల NAC లేదా రెండేళ్ల ITI(+ NAC/NCTVT) పాసైన వారు అర్హులు. దరఖాస్తుకు చివరి తేదీ DEC 25. రాత పరీక్ష ఆధారంగా ఎంపిక చేస్తారు.
వెబ్సైట్: <
News December 19, 2025
రోజూ గుడ్లు పెట్టే కోళ్ల గురించి తెలుసా?
పౌల్ట్రీ పరిశ్రమలో అధిక గుడ్ల ఉత్పత్తికి ప్రసిద్ధి చెందాయి BV 380 రకం కోళ్లు. ఇవి వేడి, తేమ వాతావరణాలకు అనుకూలంగా ఉంటాయి. సంవత్సరానికి 308 గుడ్లు పెట్టడం ఈ కోళ్ల ప్రత్యేకత. BV 380 కోడి పిల్లలను 18 నుంచి 20 వారాల పాటు పెంచిన తర్వాత గుడ్లను పెట్టడం ప్రారంభిస్తాయి. గోధుమ రంగులో ఉండే ఈ గుడ్లు పెద్దగా ఉంటాయి. ఇవి ఏడాది పాటు గుడ్లు పెట్టి తర్వాత ఆపేస్తాయి. అప్పుడు వాటిని మాంసం కోసం విక్రయించవచ్చు.
News December 19, 2025
సర్పంచ్ అభ్యర్థికి ఒక్క ఓటూ పడలేదు!
TG: మూడో విడత పంచాయతీ ఎన్నికల్లో ఆశ్చర్యకర ఘటన జరిగింది. సర్పంచ్ బరిలో నిలిచిన ఓ అభ్యర్థికి ఒక్క ఓటూ రాలేదు. వరంగల్(D) ఖానాపురం(M) కీర్యాతండాలో ఈ నెల 17న సర్పంచ్ ఎన్నికల పోలింగ్ జరిగింది. మొత్తం 239 ఓట్లు పోలవగా BJP బలపరిచిన బోడ గౌతమికి కనీసం ఒక్క ఓటు కూడా పడలేదు. చివరికి నోటాకు ఒక ఓటు పోలైంది. దీంతో ఆమె తనకు తానూ ఓటు వేసుకోలేదా? అని అంతా ఆశ్చర్యపోతున్నారు. ఇక్కడ INC అభ్యర్థి విజయ గెలిచారు.