News November 3, 2024
పంత్ ఢిల్లీని అందుకే వదిలేశాడా?
టీమ్ ఇండియా స్టార్ క్రికెటర్ రిషభ్ పంత్ ఢిల్లీని వీడేందుకు బలమైన కారణాలు ఉన్నట్లు తెలుస్తోంది. కోచ్‌గా పాంటింగ్, డైరెక్టర్‌గా గంగూలీని తప్పించడంతో ఆయన అసంతృప్తితో ఉన్నట్లు సమాచారం. అలాగే హేమాంగ్ బదానీని హెడ్ కోచ్‌గా, వేణుగోపాల్ రావును డైరెక్టర్‌గా నియమించడమూ ఇష్టం లేదట. అలాగే GMR ఆధ్వర్యంలో ఆయన ఆడేందుకు సిద్ధంగా లేడని తెలుస్తోంది. JSW ఆధ్వర్యంలోనే ఆయన ఆడాలని అనుకున్నట్లు వార్తలు వచ్చాయి.
Similar News
News November 4, 2024
స్టిక్క‌ర్ స్కాం.. అమెజాన్‌కు ₹1.29 కోట్లు టోక‌రా పెట్టిన యువ‌కులు
రాజ‌స్థాన్‌కు చెందిన రాజ్‌కుమార్‌, సుభాశ్‌ అమెజాన్‌కు ₹1.29Cr టోక‌రా పెట్టి మంగళూరులో దొరికిపోయారు. వీరు అమెజాన్‌లో తక్కువ ధర, లక్షలు విలువైన ఐటమ్స్ ఒకేసారి ఆర్డర్ పెట్టేవారు. ఆర్డర్ వచ్చాక డెలివరీ బాయ్‌ కళ్లుగప్పి లక్షల విలువైన వస్తువుల స్టిక్కర్లను తక్కువ విలువైన వాటి స్టిక్కర్లతో మార్చేవారు. తీరా హైవాల్యూ ఐటం క్యాన్సిల్ చేసేవారు. తద్వారా లక్షల విలువైన వస్తువులను తక్కువ ధరకే కొట్టేసేవారు.
News November 4, 2024
మార్కెట్లో చైనా డేంజర్ వెల్లుల్లి! గుర్తించండిలా
కేంద్రం 2014లోనే చైనా వెల్లుల్లిని నిషేధించినా అధిక లాభాలకు కొందరు దీన్ని అక్రమంగా దిగుమతి చేసి విక్రయిస్తున్నారు. దీన్ని పండించేందుకు వాడే మిథైల్ బ్రోమైడ్ వంటి రసాయనాలు అల్సర్లు, జీర్ణ, కిడ్నీ సమస్యలు, తీవ్ర దగ్గు, మెదడు దెబ్బతినడం, కాళ్లు/చేతులు మొద్దుబారడానికి కారణమవుతాయి.
☞ఈ వెల్లుల్లి సైజులో చిన్నగా, బాగా తెల్లగా/పింక్ రంగులో ఉంటుంది. తక్కువ ఘాటు వస్తుంది. సులువుగా పొట్టు తీయొచ్చు.
Share It
News November 4, 2024
పోటీ పరీక్షలకు సిద్ధం కావాలి: సీఎం
TG: ప్రభుత్వ హాస్టళ్లలో విద్యార్థులకు డైట్, కాస్మొటిక్ ఛార్జీలు పెంచినందుకు మంచిర్యాల విద్యార్థులు సీఎం రేవంత్ రెడ్డిని కలిసి కృతజ్ఞతలు తెలిపారు. సీఎం వారితో మాట్లాడి సమస్యలు తెలుసుకున్నారు. స్కిల్ యూనివర్సిటీ, ITIలు ATCలుగా మార్పు, స్పోర్ట్స్ యూనివర్సిటీ గురించి వారికి వివరించారు. రాజకీయ పార్టీల రెచ్చగొట్టే ప్రకటనలను నమ్మకుండా పోటీ పరీక్షలకు సిద్ధం కావాలని సూచించారు. గంజాయి బారిన పడొద్దన్నారు.