News July 27, 2024
దంచికొట్టిన బ్యాటర్లు.. భారత్ భారీ స్కోర్
శ్రీలంకతో తొలి టీ20లో టీమ్ ఇండియా భారీ స్కోరు సాధించింది. బ్యాటర్లు దంచికొట్టడంతో భారత్ ఓవర్లన్నీ ఆడి 213/7 రన్స్ చేసింది. సూర్యకుమార్ యాదవ్ (58) కెప్టెన్ ఇన్నింగ్స్ ఆడారు. రిషభ్ పంత్ (49), యశస్వీ జైస్వాల్ (40), శుభ్‌మన్ గిల్ (34) ధనాధన్ బ్యాటింగ్ చేశారు. లంక బౌలర్లలో పతిరణ 4 వికెట్లతో విజృంభించారు. హసరంగ, మధుశంక, ఫెర్నాండో తలో వికెట్ తీశారు.
Similar News
News December 21, 2024
అల్లు అర్జున్ ప్రెస్మీట్ ఆలస్యం.. కొనసాగుతున్న ఉత్కంఠ
అల్లు అర్జున్ ప్రెస్మీట్ నిర్వహణపై ఉత్కంఠ కొనసాగుతోంది. రా.7 గంటలకు మీడియా సమావేశం ఉంటుందని ప్రెస్‌కు సమాచారం ఇవ్వడంతో అంతా ఆయన ఇంటి వద్ద వేచి చూస్తున్నారు. కానీ రా.8 గంటలు కావొస్తున్నా అర్జున్ ఇంకా బయటికి రాకపోవడంతో మీడియా ప్రతినిధులు పడిగాపులు కాస్తున్నారు. మరోవైపు ఆయన అభిమానులు కూడా బన్నీ ప్రెస్మీట్ ఎప్పుడు ఉంటుందా? అని ఆసక్తిగా ఎదురుచూస్తున్నారు.
News December 21, 2024
వాయుగుండం.. రేపు, ఎల్లుండి వర్షాలు
AP: బంగాళాఖాతంలో ఏర్పడిన వాయుగుండం తూర్పు-ఈశాన్య దిశగా కదులుతోందని APSDMA తెలిపింది. ప్రస్తుతం ఇది విశాఖకు 430కి.మీ, చెన్నైకి 490కి.మీ, గోపాల్‌పూర్(ఒడిశా)నకు 580కి.మీ దూరంలో ఉందని పేర్కొంది. ఆ తర్వాత సముద్రంలో క్రమంగా బలహీనపడే అవకాశం ఉందని వెల్లడించింది. అయితే వాయుగుండం ప్రభావంతో రేపు, ఎల్లుండి ఉత్తర కోస్తాలోని పలు ప్రాంతాల్లో మోస్తరు వర్షాలు కురుస్తాయని తెలిపింది.
News December 21, 2024
కాంగ్రెస్ ప్రభుత్వంపై BRS సెటైరికల్ ట్వీట్
TG: రాష్ట్ర ప్రభుత్వంపై బీఆర్ఎస్ పార్టీ సెటైరికల్ ట్వీట్ చేసింది. కాంగ్రెస్ పాలన గురించి అర్థం వచ్చేలా సింగిల్ లైన్లో చమత్కరించింది. రేవంత్ ప్రభుత్వం ఏడాది పాలన ఒక లైన్లో అని ‘ǝuı̣ꓶ ǝuO uı̣ ǝןnꓤ ɹɐǝ⅄ ǝuO ʇuǝɯuɹǝʌoꓨ ɥʇuɐʌǝꓤ’ ఇలా ‘X’ పోస్ట్ చేసింది. దీనిపై ఇరుపార్టీల కార్యకర్తలు పోటాపోటీగా కామెంట్లు పెడుతున్నారు.