News October 1, 2024
3న ఓటీటీలోకి ‘ది గోట్’ మూవీ
వెంకట్ ప్రభు డైరెక్షన్‌లో దళపతి విజయ్ నటించిన ది గోట్(ది గ్రేటెస్ట్ ఆఫ్ ఆల్ టైమ్) మూవీ ఈ నెల 3న ఓటీటీలోకి రానుంది. నెట్‌ఫ్లిక్స్‌లో తెలుగు, తమిళం, మలయాళం, కన్నడ, హిందీ భాషల్లో స్ట్రీమింగ్ కానుంది. గత నెల 5న విడుదలైన ఈ చిత్రానికి మిక్స్‌డ్ టాక్ వచ్చినప్పటికీ రూ.450 కోట్లకు పైగా కలెక్షన్లు సాధించింది. ఈ సినిమాలో స్నేహ, లైలా, మీనాక్షి చౌదరి, జయరాం, ప్రభుదేవా కీలక పాత్రల్లో నటించారు.
Similar News
News November 30, 2025
అదే నిజమైతే వారిద్దరూ టెస్టులు ఆడాలి: పీటర్సన్
టెస్టుల్లో భారత పేలవ ప్రదర్శన నేపథ్యంలో రోహిత్-కోహ్లీ రీఎంట్రీపై చర్చ నడుస్తున్న సంగతి తెలిసిందే. దీనిపై ఇంగ్లండ్ మాజీ క్రికెటర్ కెవిన్ పీటర్సన్ సైతం స్పందించారు. ‘ఒకవేళ వారిద్దరూ తిరిగి టెస్టుల్లో ఆడాలని భావిస్తున్నారన్నది సగం నిజమైనా సరే దానిని సీరియస్‌గా తీసుకోవాలి. టెస్టు క్రికెట్ మనుగడపై చర్చ జరుగుతున్న నేపథ్యంలో వారిద్దరూ రీఎంట్రీ ఇవ్వాలనుకుంటే కచ్చితంగా ఆడాలి’ అని ట్వీట్ చేశారు.
News November 30, 2025
ఇతిహాసాలు క్విజ్ – 82 సమాధానాలు
నేటి ప్రశ్న: సూర్యుడిని భానుడు అని ఎందుకు అంటారు?
సమాధానం: సంస్కృతంలో ‘భాను’ అంటే కాంతి, ప్రకాశం, వెలుగు అని అర్థం. సూర్యుడు సమస్త ప్రపంచానికి అంధకారాన్ని తొలగించి, నిత్యం వెలుగును, శక్తిని ప్రసాదిస్తాడు. అందుకే, సూర్యుడిని ప్రకాశాన్ని ఇచ్చేవాడు (భాస్కరుడు, భానుడు) అని కీర్తిస్తారు.
<<-se>>#Ithihasaluquiz<<>>
News November 30, 2025
జగన్ హయాంలో ఇరిగేషన్ నాశనం: మంత్రి నిమ్మల
AP: YS జగన్ హయాంలో రాష్ట్ర ఇరిగేషన్ వ్యవస్థ పూర్తిగా నాశనం అయిందని మంత్రి నిమ్మల రామానాయుడు విమర్శించారు. పశ్చిమ గోదావరి జిల్లాలో పర్యటించిన మంత్రి.. ఈ సందర్భంగా మీడియాతో మాట్లాడారు. కూటమి ప్రభుత్వం వచ్చాక శ్రీశైలం ప్లంజ్ పూల్, తుంగభద్ర గేట్లు, ధవళేశ్వరం బ్యారేజ్ కోసం మొత్తంగా రూ.400 కోట్లకు పైగా కేటాయించినట్లు తెలిపారు. మత్స్యకారులకు ఎన్నికల హామీ మేరకు భృతి రూ.20 వేలకి పెంచినట్లు చెప్పారు.