News August 31, 2024
‘గుడ్లవల్లేరు’ ఘటనపై హీరోయిన్ ఎమోషనల్
AP: <<13983521>>గుడ్లవల్లేరు<<>> కాలేజీ ఘటనపై హీరోయిన్ పూనమ్ కౌర్ ఆవేదన వ్యక్తం చేస్తూ అమ్మాయిలకు లేఖ రాశారు. ‘నేను ఒక కూతురుగా ఈ లేఖ రాస్తున్నా. పేరెంట్స్ మిమ్మల్ని ఎన్నో ఆశలు, నమ్మకంతో బయటకు పంపుతున్నారు. కానీ మీకు ఇలా జరగడం బాధాకరం. ఒక అమ్మాయి ఎంతో మంది విద్యార్థినులను ప్రమాదంలోకి నెట్టడం చూస్తుంటే అసహ్యం వేస్తోంది. రెజ్లర్స్ పోరాటమే స్ఫూర్తితో నిందితులెంత శక్తిమంతులైనా లెక్క చేయొద్దు’ అని రాసుకొచ్చారు.
Similar News
News November 29, 2025
ఈ శంఖం ఎంత మహిమాన్వితమైందో తెలుసా?
శంఖాన్ని సానుకూల శక్తికి సంకేతంగా చెబుతారు. అలాంటి పవిత్రమైన శంఖంలో మరో నాలుగు శంఖాలు ఉంటే దాన్నే పాంచజన్యం అంటారు. కృష్ణుడు ధరించింది ఈ పాంచజన్యాన్నే. ఇవి చాలా అరుదుగా ఉద్భవిస్తాయి. అయితే ఈ మహిమాన్విత పాంచజన్యం ఒకటి మైసూరు చాముండేశ్వరీదేవి ఆలయంలో ఉంది. దీన్ని దర్శిస్తే.. సకల పాపలు తొలగిపోతాయని, ప్రతికూల శక్తులు మనల్ని వదిలి వెళ్తాయని, ఫలితంగా శాంతి, ప్రశాంతత చేకూరుతాయని భక్తుల ప్రగాఢ విశ్వాసం.
News November 29, 2025
ఉత్తరలో చల్లిన పైరు, కత్తెరలో నరికిన కొయ్య
ఉత్తర నక్షత్రం సమయంలో (సెప్టెంబర్ నెలలో) విత్తిన పంట సాధారణంగా బాగా పండుతుంది, దిగుబడి పుష్కలంగా వస్తుంది. అలాగే కత్తెర కార్తె (కార్తిక మాసం-అక్టోబర్/నవంబర్ నెలల్లో) సమయంలో నరికిన కలప (కొయ్య) చాలా గట్టిగా ఉంటుంది. పురుగులు పట్టవు, ఎక్కువ కాలం మన్నుతుంది. సరైన సమయంలో చేసిన పని మంచి ఫలితాలను ఇస్తుందని, స్థిరంగా, పటిష్టంగా ఉంటుందని ఈ సామెత తెలియజేస్తుంది.
News November 29, 2025
నేడే లాస్ట్ డేట్
TG: తొలి విడత పంచాయతీ ఎన్నికల నామినేషన్ల గడువు నేటితో పూర్తి కానుంది. గురువారం నుంచి నామినేషన్లు స్వీకరిస్తుండగా నిన్న సర్పంచి పదవులకు 4,901 నామినేషన్లు వచ్చాయి. దీంతో మొత్తం నామపత్రాల సంఖ్య 8,198కు చేరింది. అటు మొన్న, నిన్న కలిపి వార్డు సభ్యులకు 11,502 నామినేషన్లు దాఖలైనట్లు అధికారులు వెల్లడించారు. తొలి విడతలో 4,236 సర్పంచ్, 37,440 వార్డులకు ఎన్నికలు జరగనున్నాయి.