News April 25, 2024
సికింద్రాబాద్‌లో గెలిచిన పార్టీదే కేంద్రంలో అధికారం: CM రేవంత్
TG: సికింద్రాబాద్‌లో ఏ పార్టీ గెలుస్తుందో ఆ పార్టీయే కేంద్రంలో అధికారంలోకి వస్తుందని CM రేవంత్ అన్నారు. ‘దత్తాత్రేయను అంజన్ కుమార్ ఓడించినప్పుడు కేంద్రంలో కాంగ్రెస్ ప్రభుత్వం వచ్చింది. 20 ఏళ్ల తర్వాత ఆనాటి రోజులు పునరావృతం కాబోతున్నాయి. ఇక్కడ కాంగ్రెస్ పార్టీ గెలిచి కేంద్రంలో అధికారంలోకి రానుంది. దానం నాగేందర్ కేంద్రంలో కీలక బాధ్యతలు నిర్వహిస్తారు’ అని సికింద్రాబాద్ మీటింగ్‌లో వ్యాఖ్యానించారు.
Similar News
News November 29, 2025
రేపు తీరానికి ‘దిత్వా’.. అతిభారీ వర్షాలు
AP: బంగాళాఖాతంలో ఏర్పడిన ‘దిత్వా’ తుఫాను రేపు తెల్లవారుజామున తమిళనాడు, పుదుచ్చేరి, దక్షిణ కోస్తాంధ్ర తీరానికి చేరనుందని APSDMA ట్వీట్ చేసింది. ప్రస్తుతం పుదుచ్చేరికి 250km, చెన్నైకి 350kmల దూరంలో కేంద్రీకృతమైనట్లు తెలిపింది. గడిచిన 6 గంటల్లో 10km వేగంతో కదిలినట్లు పేర్కొంది. దీని ప్రభావంతో రేపు యానాం, కోస్తాంధ్ర, రాయలసీమ జిల్లాల్లో అతిభారీ వర్షాలకు ఛాన్స్ ఉందని వెల్లడించింది.
News November 29, 2025
అమెరికా అధ్యక్ష రేసులో ట్రంప్ జూనియర్!
అమెరికా అధ్యక్షుడు డొనాల్డ్ ట్రంప్ పెద్ద కుమారుడు డొనాల్డ్ ట్రంప్ జూనియర్ 2028 ఎన్నికలకు రిపబ్లికన్ అభ్యర్థిత్వ రేసులో వేగంగా ప్రజాదరణ పొందుతున్నారు. వైస్ ప్రెసిడెంట్ జేడీ వాన్స్‌కు గట్టి పోటీ ఇస్తున్నారు. ఆగస్టులో వాన్స్‌కు 36%, ట్రంప్ జూనియర్‌కు 16% మద్దతు ఉంది. నవంబర్ నాటికి వాన్స్ మద్దతు 34%కి తగ్గగా ట్రంప్ జూనియర్ మద్దతు 24%కి పెరిగింది. వీరిద్దరి మధ్య గ్యాప్ 10 పాయింట్లు మాత్రమే ఉంది.
News November 29, 2025
వివాదాల్లో చిక్కుకోవడం ఇండియా స్వభావం కాదు: మోహన్ భాగవత్
వివాదాల్లో చిక్కుకోవడం భారతదేశ స్వభావం కాదని ఆర్ఎస్ఎస్ చీఫ్ మోహన్ భాగవత్ అన్నారు. ‘మనకు ఎవరితోనూ వాదనలులేవు. మనం వివాదాలకు దూరంగా ఉంటాం. కలిసి ఉండటం, సోదరభావాన్ని పెంపొందించడం మన సంప్రదాయం’ అని చెప్పారు. బ్రిటిషర్లు రాకముందు మనం ఐక్యంగా లేమని ‘హింద్ స్వరాజ్‌’లో గాంధీ రాశారని, కానీ అది బ్రిటిషర్లు మనకు నేర్పిన తప్పుడు కథనమని విమర్శించారు. నాగ్‌పూర్‌లో జరిగిన బుక్ ఫెస్టివల్‌లో ఆయన మాట్లాడారు.