News November 7, 2024
IPLలో రూ.13 కోట్లు.. ఆ డబ్బుతో రింకూసింగ్ ఏం చేశారంటే?
టీమ్ ఇండియా యంగ్ బ్యాటర్ రింకూ సింగ్ రూ.3.5 కోట్లతో ఇల్లు కొనుగోలు చేశారు. IPLలో KKR అతడిని రూ.13 కోట్లకు రిటైన్ చేసుకున్న కొద్ది రోజులకే యూపీ అలీగఢ్లోని ఓజోన్ సిటీలో ఖరీదైన 500 చదరపు గజాల బంగ్లాను కొన్నారు. కొద్ది రోజుల క్రితం కుటుంబసభ్యులతో కలిసి గృహప్రవేశం చేశారు. కాగా, రింకూ సింగ్ తండ్రి ఇదే ఓజోన్ సిటీలో గ్యాస్ సిలిండర్లు డెలివరీ చేసేవారు. సక్సెస్ అంటే ఇదే కదా మరి!
Similar News
News January 20, 2026
మరోసారి తండ్రి కాబోతున్న స్టార్ డైరెక్టర్
తమిళ స్టార్ డైరెక్టర్ అట్లీ మరోసారి తండ్రి కాబోతున్నారు. ఆయన భార్య, నటి ప్రియా మోహన్ రెండో బిడ్డకు జన్మనివ్వబోతున్నట్లు సోషల్ మీడియా వేదికగా ప్రకటించారు. ‘మళ్లీ గర్భవతి అయ్యాను. మా ఇల్లు మరింత హాయిగా, సందడిగా మారబోతోంది. మీ అందరి ఆశీస్సులు కావాలి’ అని ప్రియా మోహన్ సైతం బేబీ బంప్తో ఉన్న ఫొటోలను షేర్ చేశారు. ప్రస్తుతం అల్లు అర్జున్తో అట్లీ ఓ పాన్ ఇండియా సినిమా చేస్తున్న విషయం తెలిసిందే.
News January 20, 2026
వివేకా హత్య కేసును లాజికల్ ఎండ్కు తీసుకెళ్లాలి: SC
వివేకానందరెడ్డి హత్యపై మళ్లీ మినీ ట్రయల్ కొనసాగిస్తే కేసు తేలడానికి మరో పదేళ్లు పడుతుందని SC వ్యాఖ్యానించింది. సునీత దాఖలు చేసిన పిటిషన్పై కోర్టు విచారించింది. కేసును లాజికల్ ఎండ్కు తీసుకెళ్లాల్సిన అవసరముందని పేర్కొంది. పిటిషన్పై సీబీఐ కౌంటర్ దాఖలు చేయాలని ఆదేశించింది. దాని వైఖరిని అనుసరించి తదుపరి నిర్ణయం తీసుకుంటామని స్పష్టం చేసింది. కేసును ఫిబ్రవరి 5కు వాయిదా వేసింది.
News January 20, 2026
గ్రీన్లాండ్ గడ్డపై అమెరికా జెండా.. ట్రంప్ పోస్ట్ వైరల్!
ట్రంప్ SMలో పోస్ట్ చేసిన ఒక ఫొటో ఇప్పుడు ప్రపంచవ్యాప్తంగా ఆందోళన కలిగిస్తోంది. గ్రీన్లాండ్లో ట్రంప్ అమెరికా జెండా పాతినట్లు, దాని పక్కనే బోర్డుపై ‘గ్రీన్లాండ్-US భూభాగం 2026’ అని ఉన్న AI ఇమేజ్ షేర్ చేశారు. ఇప్పటికే పిటుఫిక్ స్పేస్ బేస్కు US తన యుద్ధ విమానాలను పంపడం, దానికి ప్రతిగా డెన్మార్క్ భారీగా సైన్యాన్ని మోహరించడంతో అక్కడ యుద్ధ మేఘాలు కమ్ముకుంటున్నాయి.