News July 13, 2024
ఇన్‌స్టాలో భార్య పోస్ట్.. డ్రగ్ డీలర్‌ను పట్టించింది!
అంతర్జాతీయ డ్రగ్ డీలర్‌ను పట్టుకునేందుకు పోలీసులు టెక్నాలజీని వాడారు. రెండేళ్లుగా పరారీలో ఉన్న 50ఏళ్ల బ్రెజిలియన్ డ్రగ్ లార్డ్ రోనాల్డ్ రోలాండ్‌‌ను ఇన్‌స్టా పోస్ట్‌లోని లొకేషన్ ఆధారంగా పట్టుకున్నారు. తన భార్యతో కలిసి పారిస్, దుబాయ్, మాల్దీవుల్లో అతడు పర్యటించారు. అయితే వారున్న ప్రదేశాన్ని అతని భార్య ఇన్‌స్టాలో పోస్ట్ చేసింది. అతణ్ని బ్రెజిల్‌లోని గ్వరూజ బీచ్ సిటీలో ఫెడరల్ పోలీసులు అరెస్టు చేశారు.
Similar News
News January 20, 2025
జూన్ నుంచి ‘కల్కి-2’ షూటింగ్: అశ్వనీ దత్
పాన్ ఇండియా స్టార్ ప్రభాస్ హీరోగా నాగ్ అశ్విన్ తెరకెక్కించనున్న ‘కల్కి-2’ సినిమాపై నిర్మాత అశ్వనీ దత్ ఇంట్రెస్టింగ్ కామెంట్స్ చేశారు. ‘ప్రభాస్ కోసం వెయిట్ చేశాను. కాల్ షీట్స్ ఇవ్వడంతో కల్కి తీశాను. జూన్ నెల నుంచి కల్కి-2 సినిమా షూటింగ్ మొదలు కానుంది. వచ్చే ఏడాది విడుదలకు ప్లాన్ చేస్తున్నాం’ అని తెలిపారు. దీంతో ప్రభాస్ ఒకేసారి ఫౌజీ, కల్కి-2, స్పిరిట్ సినిమాలు చేయనున్నట్లు సినీవర్గాలు తెలిపాయి.
News January 20, 2025
‘డాకు మహారాజ్’ కలెక్షన్లు ఎంతంటే?
నందమూరి బాలకృష్ణ హీరోగా బాబీ తెరకెక్కించిన ‘డాకు మహారాజ్’ సినిమా కలెక్షన్ల సునామీ సృష్టిస్తోంది. రిలీజైన 8 రోజుల్లోనే రూ.156+ కోట్లు (గ్రాస్) కలెక్ట్ చేసినట్లు మేకర్స్ ప్రకటించారు. అటు నార్త్ అమెరికాలోనూ భారీగా వసూళ్లు రాబడుతుండటం విశేషం. ఈ చిత్రానికి తమన్ మ్యూజిక్ అందించగా నాగవంశీ నిర్మించారు.
News January 20, 2025
ఇక నుంచి నా గౌరవం పెంచే సినిమాలే తీస్తా: RGV
ఇకపై తాను ‘సత్య’లాంటి సినిమాలను తెరకెక్కించాలని అనుకుంటున్నట్లు డైరెక్టర్ RGV తెలిపారు. ఇటీవల ‘సత్య’ మూవీని చూసినప్పుడు కన్నీళ్లు వచ్చాయని, ఆ సినిమాను బెంచ్ మార్క్‌గా పెట్టుకుని తాను మరింత సిన్సియర్‌గా మూవీస్ తీసి ఉండాల్సిందని అన్నారు. ‘నేను పొందిన విజయాల మత్తులో, అహంకారంతో ఏవేవో సినిమాలు తీసేశాను. సత్య నా కళ్లు తెరిపించింది. ఇక నుంచి నా గౌరవం పెంచే సినిమాలనే తీస్తా’ అని ట్వీట్ చేశారు.