News September 23, 2024
పిల్లి కళ్లుమూసుకుని పాలు తాగినట్లుగా వారి వైఖరి: హరీశ్

TG: మంత్రి శ్రీధర్ బాబు <<14169541>>వ్యాఖ్యలు<<>> నవ్వితే నాకేంటి సిగ్గు అన్నట్లుగా ఉన్నాయని మాజీ మంత్రి హరీశ్ రావు సెటైర్లు వేశారు. ఒక పార్టీ ఎమ్మెల్యే మరొక పార్టీ సీఎల్పీ సమావేశానికి ఎలా హాజరవుతారని ప్రశ్నించారు. తన నియోజకవర్గానికి ప్రభుత్వ కార్యక్రమంలో పాల్గొనేందుకు సీఎం వస్తే కలుస్తానేమో గానీ ఇలాంటి సమావేశాలకు కలవనని తేల్చి చెప్పారు. పిల్లి కళ్లుమూసుకుని పాలు తాగినట్లుగా కాంగ్రెస్ వైఖరి ఉందని దుయ్యబట్టారు.
Similar News
News November 29, 2025
వేరుశనగ పంటలో కలుపు నివారణ ఎలా?

వేరుశనగలో కలుపు నివారణకు విత్తనం విత్తిన 24-48 గంటల్లోపు 12.4 గ్రా. డైక్లోసులామ్ 84% W.D.G మందును ఎకరానికి 200 లీటర్ల నీటిలో కలిపి పిచికారి చేయాలి. దీని వల్ల 30 రోజుల వరకు దాదాపు అన్ని రకాల కలుపు మొక్కలను సమర్థవంతంగా నివారించవచ్చు. విత్తిన 25-35 రోజల సమయంలో గొర్రుతో అంతరకృషి చేసి మొక్క మొదళ్లకు మట్టిని ఎగదోయడం వల్ల కలుపును నిర్మూలించడంతో పాటు మట్టిలోకి వేరుశనగ ఊడలు దిగడానికి అవకాశం ఏర్పడుతుంది.
News November 29, 2025
అంతరకృషి సాద్యం కాకపోతే.. వేరుశనగలో కలుపు నివారణ ఎలా?

వేరుశనగలో అంతరకృషి సాద్యం కాని పక్షంలో, కలుపు 2-4 ఆకుల దశలో ఉండి, ఎక్కువగా గడ్డి జాతి కలుపు మొక్కలుంటే ఎకరాకు 200 లీటర్ల నీటిలో క్విజాలొపాప్ ఇథైల్ 5% ఇ.సి 400ml లేదా ప్రొపాక్విజాఫాప్ 10% ఇ.సి 250ml మందును కలిపి పిచికారీ చేయాలి. పొలంలో గడ్డి జాతి, వెడల్పాకు కలుపు ఎక్కువగా ఉంటే ఎకరానికి 40గ్రా. ఇమజితపైర్ 35% + ఇమజామ్యాక్స్ 35% W.G ద్రావకాన్ని ఎకరానికి 200 లీ. నీటిలో కలిపి పిచికారి చేయాలి.
News November 29, 2025
పవన్ కళ్యాణ్ క్షమాపణ చెప్పాలి: కాంగ్రెస్ MLA

కోనసీమకు దిష్టి తగిలిందన్న ఏపీ డిప్యూటీ సీఎం పవన్ కళ్యాణ్ <<18394542>>వ్యాఖ్యలు<<>> వివాదాస్పదం అవుతున్నాయి. తాజాగా ఆయన కామెంట్స్ను TG కాంగ్రెస్ ఎమ్మెల్యే అనిరుధ్ రెడ్డి ఖండించారు. ‘తెలంగాణ వాళ్ల దిష్టి తగిలిందనడం తప్పు. ఇలా మాట్లాడితే ఊరుకునేది లేదు. మా దిష్టి తగిలితే పవన్ గెలిచేవారా? ఆయన వెంటనే క్షమాపణ చెప్పాలి’ అని డిమాండ్ చేశారు. పవన్ వ్యాఖ్యలను జగదీశ్ రెడ్డి కూడా ఖండించిన విషయం తెలిసిందే.


