News January 8, 2025
నేడు అక్కడ స్కూళ్లకు సెలవు
AP: ప్రధాని విశాఖ పర్యటన నేపథ్యంలో నేడు గ్రేటర్ విశాఖ మున్సిపల్ కార్పొరేషన్ (GVMC) పరిధిలోని అన్ని స్కూళ్లకు సెలవు ప్రకటించారు. ఈ మేరకు డీఈవో ప్రేమ్ కుమార్ ప్రకటన విడుదల చేశారు. బస్సుల కొరతతో పాటు ట్రాఫిక్ ఆంక్షలు అమల్లో ఉన్న కారణంగా ఈ నిర్ణయం తీసుకున్నట్లు తెలిపారు. ప్రత్యామ్నాయంగా మరో రోజు స్కూళ్లు పనిచేయాల్సి ఉంటుందన్నారు. నేడు సాయంత్రం మోదీ, చంద్రబాబు, పవన్ కళ్యాణ్ విశాఖలో రోడ్ షో చేయనున్నారు.
Similar News
News March 23, 2026
INTERESTING: గుండె, మెదడు లేని జీవి!
సముద్ర గర్భంలో ప్రకృతి సృష్టించిన అద్భుతాలలో ‘స్టార్ ఫిష్’ ఒకటి. దీనికి మిగిలిన జీవులలా మెదడు, గుండె, రక్తం ఉండవు. రక్తానికి బదులుగా ఇది సముద్రపు నీటినే తన శరీరమంతా పంపిస్తూ పోషకాలను పొందుతుంది. దీనిని ‘వాటర్ వాస్క్యులర్ సిస్టమ్’ అంటారు. మెదడు లేకపోయినా, తన నాడీ వ్యవస్థ ద్వారా పరిసరాలను పసిగట్టి ఆహారాన్ని వేటాడటం ఈ జీవి ప్రత్యేకత. ఇలాంటి ఇంట్రెస్టింగ్ విషయాలు ‘వంద రోజుల్లో-వంద వింతలు’లో(28/100)
News March 23, 2026
రేపు పిడుగులతో కూడిన వర్షాలు
రేపు రాష్ట్రంలో పిడుగులతో కూడిన వర్షాలు పడే అవకాశం ఉందని APSDMA తెలిపింది. మన్యం, అల్లూరి, పోలవరం, విశాఖ, అనకాపల్లి, కాకినాడ, కోనసీమ, తూ.గో, ప.గో, ఏలూరు, కృష్ణా, NTR, గుంటూరు, శ్రీసత్యసాయి, కడప, అన్నమయ్య జిల్లాల్లో మోస్తరు వానలు పడే ఛాన్స్ ఉందని పేర్కొంది. వ్యవసాయ పనుల్లో రైతులు జాగ్రత్తలు తీసుకోవాలని, ప్రజలు అప్రమత్తంగా ఉండాలని సూచించింది. చెట్ల కింద, పొలాల్లో, బహిరంగ ప్రదేశాల్లో ఉండొద్దంది.
News March 23, 2026
ఏప్రిల్ 3న ఓటీటీలోకి ‘సితారే జమీన్ పర్’
బాలీవుడ్ హీరో ఆమిర్ ఖాన్ ప్రధాన పాత్రలో తెరకెక్కిన ‘సితారే జమీన్ పర్’ సినిమా ఎట్టకేలకు OTTలోకి రానుంది. ఏప్రిల్ 3 నుంచి సోనీ లివ్లో స్ట్రీమింగ్ కానుంది. గతేడాది జూన్ 20న ఈ మూవీ రిలీజ్ కాగా రూ.260 కోట్లకు పైగా కలెక్షన్లు సాధించింది. ఆగస్టు 1 నుంచి యూట్యూబ్లో ‘పే పర్ వ్యూ’ పద్ధతిలో అందుబాటులోకి తెచ్చారు. రూ.100 చెల్లించి చూసే అవకాశం కల్పించారు. ఇప్పుడు OTTలోకి వస్తోంది.