News April 14, 2024
సీఎం జగన్‌కు ఎలాంటి ప్రమాదం లేదు: వైద్యులు
AP: ముఖ్యమంత్రి జగన్‌కు చికిత్స పూర్తైనట్లు వైద్యులు వెల్లడించారు. ఆయనకు ఎడమ కనుబొమ్మపై మూడు కుట్లు వేసినట్లు తెలిపారు. ట్రయాంగిల్ షేప్‌లో ఒక సెంటీమీటర్ లోతుకు గాయం అయిందని, అయితే మరీ లోతుగా గాయం కాకపోవడంతో ప్రమాదం తప్పిందన్నారు. ఆయన యథాతథంగా యాత్ర కొనసాగించొచ్చని తెలిపారు. మరో రెండు రోజుల్లో ఆయన పూర్తిగా కోలుకుంటారని వైద్యులు తెలిపారు.
Similar News
News November 16, 2024
ISRO-SpaceX ప్ర‌యోగం.. త్వ‌ర‌లో విమానాల్లో ఇంట‌ర్నెట్ సేవ‌లు
అంతరిక్ష ప్రయోగాల్లో ISRO-SpaceX మొద‌టి సారి చేతులు క‌లిపాయి. ఇస్రో కమ్యూనికేషన్ శాటిలైట్ GSAT-N2 ఉప‌గ్రహాన్ని ఫాల్క‌న్‌-9 రాకెట్ ద్వారా వ‌చ్చే వారం ప్ర‌యోగించ‌నున్నారు. 3000 మీట‌ర్ల ఎత్తులో ఉన్న విమానాల్లో సైతం ఇంట‌ర్నెట్ సేవ‌ల్ని అందించ‌డానికి ఇస్రో ఈ ప్ర‌యోగాన్ని చేపట్టింది. GSLV Mk3 రాకెట్ 4 వేల KGల బ‌రువును మోయ‌గ‌ల‌దు. GSAT-N2 4700 KGలు ఉండ‌డంతో SpaceXతో ఇస్రో జ‌ట్టుక‌ట్టింది.
News November 16, 2024
‘కంగువా’ కలెక్షన్లు ఎంతంటే?
సూర్య, శివ కాంబినేషన్లో తెరకెక్కిన పీరియాడికల్ ఫాంటసీ ఫిల్మ్ ‘కంగువా’. ఈ సినిమా థియేటర్లలో విడుదలైన రెండు రోజుల్లోనే ప్రపంచవ్యాప్తంగా రూ.89.32 కోట్ల గ్రాస్ వసూలు చేసినట్లు మూవీ యూనిట్ ట్వీట్ చేసింది. అభిమానుల నుంచి సినిమాకు అద్భుతమైన స్పందన వస్తోందని పేర్కొంది.
News November 16, 2024
BREAKING: నటి కస్తూరి అరెస్ట్
తెలుగు వారిపై వివాదాస్పద <<14525601>>వ్యాఖ్యలు<<>> చేసిన నటి కస్తూరి అరెస్టయ్యారు. హైదరాబాద్ రాజేంద్రనగర్‌లో చెన్నై పోలీసులు ఆమెను అదుపులోకి తీసుకున్నారు. తనకు ముందస్తు బెయిల్ ఇవ్వాలని ఆమె వేసిన పిటిషన్‌ను కోర్టు కొట్టేసింది. దీంతో పోలీసులు ప్రత్యేక బృందాలతో గాలించగా, హైదరాబాద్‌లో ఆచూకీ లభ్యమైంది. ఆమెను ప్రస్తుతం పోలీసులు చెన్నై తరలిస్తున్నారు.