News September 16, 2024
ఆ ప్రకటనల్లో నిజం లేదు: సల్మాన్ ఖాన్
త్వరలో USAలో జరగబోయే కన్సర్ట్స్లో తాను ప్రదర్శన ఇవ్వనున్నట్టు వస్తున్న వార్తల్లో నిజం లేదని బాలీవుడ్ స్టార్ సల్మాన్ ఖాన్ స్పష్టం చేశారు. ప్రదర్శనలు ఇస్తున్నారనే ప్రకటనలను, ఈవెంట్లకు సంబంధించిన ఈమెయిల్స్ను నమ్మవద్దని కోరుతూ ఆయన టీం ప్రకటన విడుదల చేసింది. సల్మాన్ ఖాన్ పేరును మోసపూరిత ప్రయోజనాల కోసం ఉపయోగిస్తే చట్టప్రకారం చర్యలు తీసుకుంటామని హెచ్చరించింది.
Similar News
News December 20, 2025
ఏపీ స్ఫూర్తితో తెలంగాణలో అధికారం చేపడతాం: బండి సంజయ్
కూటమి ప్రభుత్వంలో ఏపీ అభివృద్ధి చెందుతోందని కేంద్ర మంత్రి బండి సంజయ్ చెప్పారు. మోదీ-అటల్ సుపరిపాలన యాత్రలో భాగంగా విశాఖలో వాజ్పేయీ కాంస్య విగ్రహాన్ని ఆయన ఆవిష్కరించారు. అనంతరం మాట్లాడుతూ ‘పోరాటాల గడ్డ వైజాగ్కు వచ్చిన ప్రతిసారీ ఓ కొత్త అనుభూతి కలుగుతుంది. ఏపీలో డబుల్ ఇంజిన్ సర్కార్ అమల్లో ఉంది. ఇక్కడి పరిస్థితులను స్ఫూర్తిగా తీసుకుని తెలంగాణలో అధికారంలోకి వస్తాం’ అని ధీమా వ్యక్తం చేశారు.
News December 20, 2025
‘సంక్రాంతి’ బరిలో ఐదు తెలుగు సినిమాలు!
వచ్చే సంక్రాంతిని క్యాచ్ చేసుకునేందుకు టాలీవుడ్ మూవీస్ సిద్ధమవుతున్నాయి. డార్లింగ్ ప్రభాస్ ‘రాజాసాబ్’(JAN 9)తో పండుగ మొదలవనుంది. ఆ తర్వాత 12న మెగాస్టార్ చిరంజీవి ‘మన శంకరవరప్రసాద్ గారు’, 13న రవితేజ ‘భర్త మహాశయులకు విజ్ఞప్తి’ చిత్రాలు సందడి చేయనున్నాయి. 14న నవీన్ పొలిశెట్టి ‘అనగనగా ఒక రాజు’, 15న శర్వానంద్ ‘నారీ నారీ నడుమ మురారి’ మూవీస్ విడుదలవనున్నాయి. మీరు దేనికోసం ఎదురుచూస్తున్నారు? comment
News December 20, 2025
ఇంట్లోనే మానిక్యూర్ చేసుకోవచ్చు
అందంగా, ఆరోగ్యంగా ఉండే గోళ్ల కోసం మానిక్యూర్ చేసుకోవడం తప్పనిసరి. దీన్ని ఇంట్లోనే ఎలా చేసుకోవాలంటే.. ముందుగా పాత నెయిల్ పాలిష్ని తొలగించాలి. తర్వాత గోళ్లను షేప్ చేసుకొని గోరువెచ్చటి నీటిలో షాంపూ, నిమ్మరసం కలిపి దాంట్లో చేతులు ఉంచాలి. తర్వాత చేతులను స్క్రబ్ చేసుకొని మాయిశ్చరైజర్ రాసుకోవాలి. చివరిగా మీకు నచ్చిన నెయిల్ పాలిష్ వేస్తే సరిపోతుంది. లేత రంగులు వేస్తే గోళ్లు సహజంగా అందంగా కనిపిస్తాయి.