News January 6, 2025
నిప్పు లేనిదే పొగ రాదు: ఏబీ డివిలియర్స్
భారత డ్రెస్సింగ్ రూమ్‌లో ఏదో జరుగుతోందని సౌతాఫ్రికా మాజీ క్రికెటర్ ఏబీ డివిలియర్స్ అనుమానం వ్యక్తం చేశారు. నిప్పు లేనిదే పొగ రాదని ఆయన చెప్పారు. ‘విదేశాల్లో ఆడేటప్పుడు ఆటగాళ్లపై తీవ్ర ఒత్తిడి ఉంటుంది. కుటుంబాన్ని వదిలేసి వారాల తరబడి ఉండటం వారిని కుంగదీస్తుంది. BGTలో వరుస ఓటములు భారత ఆటగాళ్లలో విభేదాలు సృష్టించి ఉండొచ్చు. క్రికెటర్లు అత్యుత్తమ ఆట ఆడనప్పుడు ఇలాంటి రూమర్లు వస్తాయి’ అని పేర్కొన్నారు.
Similar News
News November 30, 2025
నెల్లూరు: రైతులను భయపెడుతున్న తుఫాను..!
తుఫాన్ ప్రభావంతో రైతులు తీవ్రమైన ఆర్థిక నష్టం, పంట నష్టాలు ఎదుర్కొంటున్నారు. ముఖ్యంగా వరి, పత్తి, ధాన్యం పంటలకు భారీగా నష్టం కలుగుతోంది. వర్షాలు, గాలులతో పంటలు తడిసిపోవడం, నేలకొరగడం లాంటి సమస్యలు ఇబ్బంది పెట్టుతున్నాయి. కావలిలో మొంథా తుఫానుతో చెరువులన్నీ నిండిపోయాయి. రైతులు వరి నాట్లు వేస్తున్నారు. ఇప్పుడు దిత్వా తుపాన్ హెచ్చరికలతో నష్టపోవాల్సి వస్తుందని రైతులు భయపడుతున్నారు.
News November 30, 2025
ఇవాళ, రేపు జాగ్రత్త: అనిత
AP: దిత్వా తుఫాను దూసుకొస్తున్న నేపథ్యంలో ఇవాళ, రేపు అధికారులు అప్రమత్తంగా ఉండాలని హోంమంత్రి అనిత సూచించారు. తుఫానుపై RTGS సెంటర్ నుంచి నెల్లూరు, తిరుపతి, కడప, చిత్తూరు, అన్నమయ్య జిల్లాల కలెక్టర్లతో ఆమె వీడియో కాన్ఫరెన్స్ నిర్వహించారు. క్షేత్రస్థాయిలో ప్రజలను ఎప్పటికప్పుడు అప్రమత్తం చేయాలని, ప్రాణనష్టం లేకుండా చర్యలు తీసుకోవాలని ఆదేశించారు. విద్యుత్ అంతరాయం కలిగితే వెంటనే పునరుద్ధరించాలన్నారు.
News November 30, 2025
సచిన్-ద్రవిడ్ రికార్డు బ్రేక్!
టీమ్ ఇండియా, సౌతాఫ్రికా మధ్య తొలి వన్డేలో రోహిత్ శర్మ-విరాట్ కోహ్లీ జోడీ అరుదైన ఘనత సాధించింది. లెజెండ్స్ సచిన్-ద్రవిడ్ నెలకొల్పిన రికార్డును బ్రేక్ చేసింది. వీళ్లిద్దరూ 391 అంతర్జాతీయ మ్యాచులు కలిసి ఆడగా, తాజా మ్యాచ్‌తో రోహిత్-కోహ్లీ దాన్ని అధిగమించారు. రాంచీ వేదికగా జరుగుతున్న మ్యాచ్‌లో 25 పరుగులకే జైస్వాల్(18) వికెట్‌ను టీమ్ ఇండియా కోల్పోయింది. క్రీజులో రోహిత్(3), కోహ్లీ(6) ఉన్నారు.