News April 14, 2024
ఏడాదిలో రూ.10వేల మార్క్ అందుకున్న షేర్లు ఇవే!
గత ఏడాది జూన్ నుంచి ఇప్పటివరకు ఎనిమిది సంస్థల షేర్లు రూ.10వేల మార్క్ అందుకున్నాయి. 2023 జూన్‌లో డిసా ఇండియా, వెంట్ ఇండియా, కేసీ ఇండస్ట్రీస్ రూ.10వేల మార్క్ చేరుకోగా ఆగస్టులో మారుతీ సుజుకీ, డిసెంబరులో అల్ట్రాటెక్ సిమెంట్ షేర్లు ఆ మైలురాయిని తాకాయి. ఈ జాబితాలో ప్రస్తుతం రూ.18,416తో కేసీ ఇండస్ట్రీస్ షేర్ టాప్‌లో ఉంది. ఆ తర్వాత స్థానాల్లో డిసా ఇండియా (రూ.13,850), మారుతీ సుజుకీ (రూ.12,274) ఉన్నాయి.
Similar News
News November 16, 2024
స్టైలిష్ బామ్మ
జాంబియా గ్రామీణ ప్రాంతానికి చెందిన మార్గరెట్ చోలా (లెజెండరీ గ్లామ్మా) అనే వృద్ధురాలు సోషల్ మీడియా సెన్సేషన్‌గా మారారు. ఆమె తన మనవరాలు డయానా కౌంబాతో కలిసి స్టైలిష్ డ్రెస్సులు ధరించిన ఫొటోలు పోస్ట్ చేశారు. దీంతో ఆమె స్టైలిష్ ఐకాన్‌గా మారిపోయారు. ప్రపంచవ్యాప్తంగా చాలా మంది ప్రజలు తనను ప్రేమిస్తున్నారని తెలుసుకోవడం ఆశ్చర్యానికి గురిచేసిందని చోలా చెప్పుకొచ్చారు. ఆమె ఎలా రెడీ అవుతారో మీరూ చూసేయండి.
News November 16, 2024
గుడ్ న్యూస్.. ఫీజు చెల్లించేందుకు గడువు పెంపు
TG: పదవ తరగతి విద్యార్థులు ఫీజు చెల్లించేందుకు విద్యాశాఖ గడువు పొడిగించింది. షెడ్యూల్ ప్రకారం ఎల్లుండితో గడువు ముగియనుండగా ఈ నెల 28 వరకు ఎలాంటి అదనపు రుసుము లేకుండా ఫీజు చెల్లించవచ్చని ఉత్తర్వుల్లో పేర్కొంది. చలానా విధానాన్ని రద్దు చేస్తూ, పరీక్ష ఫీజు ఆన్‌లైన్‌లో చెల్లించే సౌకర్యాన్ని తీసుకొచ్చింది.
News November 16, 2024
నీటిని పీల్చుకునే ‘ట్రోవాంట్స్’ రాళ్లు!
యూరప్‌లోని రొమేనియాలో ఉన్న వింత రాళ్లు శాస్త్రవేత్తలను సైతం ఆశ్చర్యపరుస్తున్నాయి. ‘ట్రోవాంట్స్’ అని పిలిచే ఈ ప్రత్యేకమైన రాళ్లు వర్షాలు పడిన తర్వాత వాటంతటవే పెరిగిపోతుంటాయి. అప్పటివరకూ సాధారణ శిలల్లా కనిపించే ఈ భౌగోళిక అద్భుతాలు వర్షపు నీటిని పీల్చుకుని పరిమాణాన్ని పెంచుకుంటాయి. అచ్చం జీవిలానే ప్రవర్తిస్తాయి. ఈ దృగ్విషయం స్థానికులు, శాస్త్రవేత్తలు సైతం అవాక్కయ్యేలా చేస్తోంది.