News July 5, 2024
రేషన్ మాఫియాలో వారే కీలక సూత్రధారులు: నాదెండ్ల
AP: ఎండీయూ వాహనాల ద్వారా రేషన్ పంపిణీ విధానంపై త్వరలో చర్చించి నిర్ణయం తీసుకుంటామని మంత్రి నాదెండ్ల మనోహర్ తెలిపారు. ‘రేషన్ మాఫియాలో ఈ వాహనాల నిర్వాహకులే ప్రధాన సూత్రధారులు. వీటి కొనుగోళ్లతో గత ప్రభుత్వం రూ.1500 కోట్లు నష్టం కలిగించింది. రైతులకు రూ.1000 కోట్ల ధాన్యం బకాయిలు విడుదల చేశాం. రైతులకు టార్పాలిన్లు పంపిణీ చేయాలని ఆలోచిస్తున్నాం. ఖాళీ గోతాలకు చెల్లింపులు నిలిపివేశాం’ అని పేర్కొన్నారు.
Similar News
News November 29, 2025
ప్రభాస్ మరో ఆరు నెలలు కనిపించరా?
సందీప్ రెడ్డి వంగా-ప్రభాస్ కాంబోలో తెరకెక్కుతోన్న స్పిరిట్ షూటింగ్ ఇటీవల ప్రారంభమైన విషయం తెలిసిందే. సినిమాలో ప్రభాస్ కొత్త లుక్ లీక్ అవకుండా ఉండటానికి సందీప్ జాగ్రత్తలు తీసుకుంటున్నారు. తాజా సమాచారం ప్రకారం.. వచ్చే 6 నెలలు ప్రజలకు కనిపించవద్దని ఆయన ప్రభాస్‌ను కోరారట. అయితే ఈ నిర్ణయంతో జనవరిలో విడుదల కానున్న “ది రాజాసాబ్” ప్రమోషన్స్ ఎలా చేస్తారు అన్నది ఆసక్తిగా మారింది.
News November 29, 2025
శ్రీవారి వైకుంఠ ద్వార దర్శనానికి రికార్డు రిజిస్ట్రేషన్లు
తిరుమల శ్రీవారి వైకుంఠ ద్వార దర్శనాలకు రికార్డు స్థాయిలో భక్తుల పేర్లు నమోదు చేసుకున్నారు. గడిచిన 48 గంటల్లో ఈ-డిప్‌లో టోకెన్లు పొందేందుకు 7.7 లక్షల రిజిస్ట్రేషన్ల ద్వారా 19.5 లక్షల మంది భక్తులు నమోదు చేసుకున్నట్లు TTD వర్గాలు తెలిపాయి. డిసెంబర్ 1న సాయంత్రం 5 గంటల వరకు రిజిస్ట్రేషన్లు కొనసాగనున్నాయి. డిసెంబర్ 2న టోకెన్లు పొందిన వారి మొబైల్‌కు మెసేజ్ పంపిస్తారు.
News November 29, 2025
వేరుశనగ పంటలో కలుపు నివారణ ఎలా?
వేరుశనగలో కలుపు నివారణకు విత్తనం విత్తిన 24-48 గంటల్లోపు 12.4 గ్రా. డైక్లోసులామ్ 84% W.D.G మందును ఎకరానికి 200 లీటర్ల నీటిలో కలిపి పిచికారి చేయాలి. దీని వల్ల 30 రోజుల వరకు దాదాపు అన్ని రకాల కలుపు మొక్కలను సమర్థవంతంగా నివారించవచ్చు. విత్తిన 25-35 రోజల సమయంలో గొర్రుతో అంతరకృషి చేసి మొక్క మొదళ్లకు మట్టిని ఎగదోయడం వల్ల కలుపును నిర్మూలించడంతో పాటు మట్టిలోకి వేరుశనగ ఊడలు దిగడానికి అవకాశం ఏర్పడుతుంది.