News January 31, 2025
పరువు తీశారు.. చనిపోతున్నా!
AP: గుడివాడకు చెందిన ఆటోడ్రైవర్ రావి సత్తిబాబు విస్తార్ ఫైనాన్స్ కంపెనీ వద్ద రూ.7.80 లక్షలు లోన్ తీసుకున్నారు. క్రమం తప్పకుండా EMI చెల్లించేవారు. భార్య అనారోగ్యం కారణంగా ఈ నెల కట్టలేకపోయారు. ఆ విషయం చెప్పినా వినిపించుకోని కంపెనీ ప్రతినిధులు ఇంటా, బయటా ఆయన పరువు తీశారు. అవమానం భరించలేకపోయిన ఆయన, తన చావుకు విస్తార్ ఫైనాన్స్ సంస్థే కారణమని ఫేస్‌బుక్‌లో పోస్ట్ పెట్టి ఆత్మహత్యకు పాల్పడ్డారు.
Similar News
News January 31, 2025
SC వర్గీకరణ: సంపత్ Vs వివేక్
Tకాంగ్రెస్‌లో SC ‘వర్గీకరణ’ చిచ్చు రేగింది. ఈ అంశానికి వ్యతిరేకంగా MLA వివేక్ మాలల సభ నిర్వహించారని సంపత్ మండిపడ్డారు. వర్గీకరణకు INC మద్దతు ఉంటుందని PCC చీఫ్‌గా రేవంత్ గతంలో ప్రకటించారని గుర్తుచేశారు. వివేక్‌పై PCCకి ఫిర్యాదు చేశామన్నారు. అటు ఒక్క సభ పెట్టుకుంటే గాయిగాయి చేస్తున్నారని సంపత్‌పై వివేక్ ఫైర్ అయ్యారు. తాను తప్పు చేశానని భావిస్తే పార్టీ ఏ నిర్ణయం తీసుకున్నా కట్టుబడి ఉంటానన్నారు.
News January 31, 2025
FY26 GDP అంచనా 6.3-6.8%: ఆర్థిక సర్వే
FY26లో భారత GDP వృద్ధిరేటు 6.3-6.8 శాతంగా ఉంటుందని ఆర్థిక సర్వే అంచనా వేసింది. రాబోయే ఏడాదిలో వృద్ధి దూకుడుగా ఉండదని సంకేతాలు ఇచ్చింది. IMF అంచనాకు దగ్గరగానే ఇచ్చింది. దేశీయ ఆర్థిక వ్యవస్థ ఫండమెంటల్స్ బలంగా ఉన్నాయని, విదేశీ ఖాతా పటిష్ఠంగా ఉందని వెల్లడించింది. ఇన్‌ఫ్లేషన్ తగ్గుతుందని, త్వరలోనే RBI టార్గెట్ అయిన 4 శాతానికి దిగొస్తుందని పేర్కొంది. ఇందుకు సరైన చర్యలు తీసుకుంటున్నారని తెలిపింది.
News January 31, 2025
షుగర్ బాధితులూ.. ఈ సంగతి తెలుసా!
డయాబెటిస్ రోగుల్లో 40% పైగా సూక్ష్మ పోషకాల లోపంతో బాధపడుతున్నారని స్టడీస్ చెబుతున్నాయి. ఆహారంపై పరిమితులు, తిన్నది ఒంటికి పట్టకపోవడం, యూరిన్ ద్వారా విటమిన్లు, మినరల్స్ వెళ్లిపోవడం, పోషకాల జీవక్రియలపై రోగ ప్రభావమే ఇందుకు కారణాలు. వీరిలో ఎక్కువగా విటమిన్ D, B12, మెగ్నీషియం, ఐరన్, జింక్ లోపం కనిపిస్తున్నాయి. డాక్టర్ల సూచన మేరకు క్వాలిటీ ఫుడ్, సప్లిమెంట్లు తీసుకోవడం మంచిదని స్టడీస్ సూచిస్తున్నాయి.