News November 11, 2024
18 నుంచి ‘అగ్రి’ కోర్సులకు మూడో దశ కౌన్సెలింగ్
TG: అగ్రికల్చర్, హార్టికల్చర్ డిగ్రీ కోర్సుల్లో ఖాళీ సీట్ల భర్తీ కోసం ఈ నెల 18 నుంచి మూడో దశ కౌన్సెలింగ్ జరగనుంది. రెండు దశల కౌన్సెలింగ్ తర్వాత స్పెషల్‌ కోటా, రెగ్యులర్‌ కోటాలో 213 ఖాళీలు ఏర్పడినట్టు వ్యవసాయ వర్సిటీ రిజిస్ట్రార్ శివాజీ తెలిపారు. పూర్తి వివరాల కోసం www.pjtau.edu.in వెబ్‌సైట్‌ను సంప్రదించాలన్నారు. మెరిట్ ఆధారంగానే సీట్ల భర్తీ ఉంటుందని, దళారుల మాటలు నమ్మొద్దని సూచించారు.
Similar News
News November 29, 2025
వివాదాల్లో చిక్కుకోవడం ఇండియా స్వభావం కాదు: మోహన్ భాగవత్
వివాదాల్లో చిక్కుకోవడం భారతదేశ స్వభావం కాదని ఆర్ఎస్ఎస్ చీఫ్ మోహన్ భాగవత్ అన్నారు. ‘మనకు ఎవరితోనూ వాదనలులేవు. మనం వివాదాలకు దూరంగా ఉంటాం. కలిసి ఉండటం, సోదరభావాన్ని పెంపొందించడం మన సంప్రదాయం’ అని చెప్పారు. బ్రిటిషర్లు రాకముందు మనం ఐక్యంగా లేమని ‘హింద్ స్వరాజ్‌’లో గాంధీ రాశారని, కానీ అది బ్రిటిషర్లు మనకు నేర్పిన తప్పుడు కథనమని విమర్శించారు. నాగ్‌పూర్‌లో జరిగిన బుక్ ఫెస్టివల్‌లో ఆయన మాట్లాడారు.
News November 29, 2025
భారీ జీతంతో 80 ఉద్యోగాలు.. నోటిఫికేషన్ విడుదల
హైదరాబాద్‌లోని భారత్ డైనమిక్స్ లిమిటెడ్(BDL)లో 80 మేనేజ్‌మెంట్ ట్రైనీ పోస్టులకు నోటిఫికేషన్ విడుదలైంది. పోస్టును బట్టి BE, B.Tech, MSc(కెమిస్ట్రీ), MBA, CA/ICWAI, PG డిప్లొమా, M.Com పాసైనవారు అర్హులు. వయసు 27ఏళ్లలోపు ఉండాలి. DEC 3 నుంచి 29 వరకు అప్లై చేసుకోవచ్చు. రాత పరీక్ష, ఇంటర్వ్యూ ద్వారా ఎంపిక చేస్తారు. నెలకు జీతం రూ.40,000-రూ.1,40,000 చెల్లిస్తారు.
వెబ్‌సైట్: <
News November 29, 2025
AP న్యూస్ అప్డేట్స్
* ఏపీ సీఎస్ విజయానంద్ పదవీకాలాన్ని మరో 3 నెలలు పొడిగిస్తూ కేంద్రం ఉత్తర్వులిచ్చింది. దీంతో ఆయన 2026 FEB నెలాఖరు వరకు CSగా కొనసాగనున్నారు.
* హిందూపురం వస్తే పుట్టింటికి వచ్చినట్లుందని నారా బ్రాహ్మణి చెప్పారు. ఆ నియోజకవర్గంలోని మండలాల్లో ప్రభుత్వ స్కూళ్లకు కంప్యూటర్లు, ప్రింటర్లను అందించారు.
* తిరుమలలో పూర్తిగా విద్యుత్ వాహనాలను వినియోగంలోకి తీసుకురానున్నట్లు TTD అదనపు ఈవో వెంకయ్య చౌదరి తెలిపారు.