News January 24, 2025
నాన్నకు కొడుకిచ్చే బెస్ట్ సర్‌ప్రైస్ ఇదే కావొచ్చు❤️!
నాన్న త్యాగాలకు వెలకట్టలేం. తన త్యాగాలకు తగిన ప్రతిఫలం కావాలని ఏ తండ్రీ ఆశించరు. ఆయన కష్టాన్ని గౌరవించాల్సిన బాధ్యతైతే పిల్లలదే. ఆర్యన్ మిశ్రా అదే చేశారు. 25 ఏళ్ల క్రితం తండ్రి వాచ్‌మన్‌గా పనిచేసిన ఢిల్లీ ITC మౌర్యలో ఫ్యామిలీతో డిన్నర్‌కు తీసుకెళ్లి సర్‌ప్రైజ్ ఇచ్చారు. దీనిని SMలో షేర్ చేయడంతో నైస్, బాగుంది, పేరెంట్స్‌ను ప్రేమించాలి. పిల్లలకోసం వారెన్నో త్యాగాలు చేస్తారని నెటిజన్లు అంటున్నారు.
Similar News
News January 25, 2025
నాలుగు పథకాలపై నేడు సీఎం సమీక్ష
TG: ప్రభుత్వం ఈ నెల 26 నుంచి అమలు చేయనున్న నాలుగు పథకాలపై సీఎం రేవంత్ రెడ్డి నేడు సమీక్ష నిర్వహించనున్నారు. రైతు భరోసా, ఇందిరమ్మ ఆత్మీయ భరోసా, ఇందిరమ్మ ఇళ్లు, కొత్త రేషన్ కార్డుల పంపిణీపై అధికారులతో మాట్లాడనున్నారు. లబ్ధిదారుల ఎంపికలో కొన్నిచోట్ల నెలకొన్న గందరగోళ పరిస్థితులపై చర్చించనున్నారు. అటు, రాష్ట్ర వ్యాప్తంగా 16,348 గ్రామ, వార్డు సభలు పూర్తయ్యాయని ప్రభుత్వం ప్రకటించింది.
News January 25, 2025
ప్రేక్షకుల అభిప్రాయమే నాకు ముఖ్యం: అనిల్ రావిపూడి
వరుస విజయాలు కట్టబెడుతూ ప్రేక్షకులు చాలా ఇచ్చారని, ప్రతిఫలంగా ఎంటర్‌టైన్‌మెంట్ ఇవ్వడమే తన లక్ష్యమని డైరెక్టర్ అనిల్ రావిపూడి అన్నారు. ఆడియన్స్ ఖర్చు పెట్టే ప్రతిపైసాకు న్యాయం చేస్తానన్నారు. థియేటర్లకు వచ్చే జనం, కలెక్షన్లనే సక్సెస్‌గా మాట్లాడుకుంటున్నామని చెప్పారు. క్రిటిక్స్ ఎప్పుడూ ఉంటారని, వారి మాటలతో ఒత్తిడికి లోనవ్వనని తెలిపారు. తనకు ప్రేక్షకుల అభిప్రాయమే ముఖ్యమని ఓ ఇంటర్వ్యూలో వివరించారు.
News January 25, 2025
దక్షిణ జార్జియాను ఢీకొట్టనున్న భారీ ఐస్బర్గ్!
అంటార్కిటికా నుంచి విడిపోయిన ఓ భారీ మంచుకొండ(A23a) బ్రిటిష్ భూభాగం వైపు దూసుకెళ్తోంది. ఇది మున్ముందు దక్షిణ జార్జియా ద్వీపాన్ని ఢీకొనే అవకాశముంది. ఆ ప్రాంతానికి 280KM దూరంలో ఉన్న ఈ ఐస్బర్గ్ బలమైన గాలులు, సముద్ర ప్రవాహాల వల్ల వేగంగా కదులుతోంది. 4K చ.కి.మీ. వైశాల్యం ఉండే మంచుకొండ ఆ ద్వీపాన్ని ఢీకొట్టి అక్కడే చిక్కుకునే ప్రమాదముంది. దీంతో అందులోని పెంగ్విన్లు, సీల్స్‌కు ఆహారం దొరకడం కష్టమవుతుంది.