News July 27, 2024
ఇది కాస్ట్లీ ఫైర్ ఆపరేషన్ గురూ.. టీ, ఫుడ్‌కే రూ.27 లక్షలు!
తమిళనాడు వెల్లలూరులోని డంపింగ్ యార్డులో ఎండల ధాటికి ఎగిసిన మంటలను ఆర్పేందుకు సిబ్బంది తీవ్రంగా శ్రమించారు. ఈ ఆపరేషన్‌కు రూ.76.70 లక్షలు ఖర్చు చేశారు. ఇందులో సిబ్బంది టీ, ఆహారం కోసమే రూ.27.52 లక్షలు ఖర్చు అయిందట. ఈ బిల్లులకు ఇటీవల కార్పొరేషన్ ఆమోదం తెలిపింది. ‘ఏప్రిల్ 6న డంపింగ్ యార్డు 50 ఎకరాల్లో మంటలు వ్యాపించాయి. 12 రోజుల పాటు 600 మంది షిఫ్టుల వారీగా ఆపరేషన్‌లో పాల్గొన్నారు’ అని వెల్లడించింది.
Similar News
News October 15, 2025
29న పోలవరం, దేవాదులపై పీఎం సమీక్ష
తెలుగు రాష్ట్రాల్లో గోదావరి నదిపై చేపట్టిన దేవాదుల, పోలవరం ప్రాజెక్టులపై ప్రధాని మోదీ ఈనెల 29న సమీక్షించనున్నారు. ఈ ప్రాజెక్టుల బ్యాక్ వాటర్ ముంపుపై ప్రభావిత రాష్ట్రాలు లేవనెత్తిన అభ్యంతరాలు, భూసేకరణ, పునరావాసంపై ‘ప్రగతి’ కార్యక్రమంలో చర్చించనున్నారు. APలో నిర్మిస్తున్న పోలవరం ప్రాజెక్టు 60% పూర్తికాగా TGలో దేవాదుల పనులు 92% మేర పూర్తయ్యాయి. వీటిపై PM చర్చించి తగిన ఆదేశాలు జారీ చేసే అవకాశముంది.
News October 15, 2025
అపరాల పంటల్లో తెల్లదోమను ఎలా నివారించాలి?
తెల్లదోమ అపరాల పంట ఆకుల అడుగు భాగం నుంచి రసం పీల్చడం వల్ల మొక్కలు పాలిపోయి నల్లగా కనబడతాయి. అంతేకాకుండా ఎల్లో మొజాయిక్ (పల్లాకు తెగులు) అనే వైరస్ వ్యాధిని కూడా వ్యాపింపజేస్తాయి. పల్లాకు తెగులు సోకిన మొక్కలను తొలి దశలోనే గుర్తించి కాల్చివేయాలి. తెల్లదోమ నివారణకు పొలంలో ఎకరానికి 20-25 పసుపు రంగు జిగురు అట్టలను అమర్చాలి. లీటరు నీటికి 5 శాతం వేపగింజల కషాయం లేదా వేపనూనె 5ml కలిపి పిచికారీ చేయాలి.
News October 15, 2025
SAILలో ఉద్యోగాలు.. దరఖాస్తుల ఆహ్వానం
స్టీల్ అథారిటీ ఆఫ్ ఇండియా లిమిటెడ్(SAIL) అనుబంధ సంస్థ IISCO స్టీల్ ప్లాంట్(WB)లో 11 అడ్వైజర్/ కన్సల్టెంట్ పోస్టులకు నోటిఫికేషన్ విడుదలైంది. బీఈ, బీటెక్, బీఎస్సీ(ఇంజినీరింగ్), డిప్లొమా, ఎంబీఏ, CA/ICWA అర్హతతో పాటు పని అనుభవం గల అభ్యర్థులు ఈ నెల 25లోగా ఆఫ్‌లైన్ ద్వారా అప్లై చేసుకోవాలి. ఈ పోస్టులను కాంట్రాక్ట్ ప్రాతిపదికన భర్తీ చేయనున్నారు. వెబ్‌సైట్: https://sailcareers.com/