News August 14, 2024

ఇది మనం ప్రామిస్ చేయాల్సిన రోజు: మోదీ

దేశాన్ని ముక్కలు చేయడం వల్ల లెక్కలేనంత మంది బాధితులుగా మారారని ప్రధాని నరేంద్ర మోదీ అన్నారు. దేశ విభజన గాయాల స్మృతి దినాన వారిని స్మరించుకోవాల్సిన అవసరం ఉందన్నారు. ఇది వారి ధైర్యసాహసాలకు నివాళులు అర్పించాల్సిన రోజన్నారు. ‘విభజన తర్వాత ఎందరో తమ జీవితాలను పునర్నిర్మించుకున్నారు. విజయవంతం అయ్యారు. మన జాతి ఐక్యత, సౌభ్రాతృత్వాన్ని కాపాడుకుంటామని మనం ఈ రోజు పునరుద్ఘాటించాలి’ అని ఆయన Xలో పిలుపునిచ్చారు.