News August 30, 2025
అందుకే ముగ్గురు పిల్లలను కనాలనుకుంటున్నా: జాన్వీ కపూర్
తాను ముగ్గురు పిల్లలను కనాలనుకుంటున్నట్లు హీరోయిన్ జాన్వీ కపూర్ గతంలో తెలిపిన విషయం తెలిసిందే. దీనిపై ‘పరమ్ సుందరి’ ప్రమోషన్లలో ఆమె స్పందించారు. ‘నా లక్కీ నంబర్ 3. పెళ్లి తర్వాత ముగ్గురికి జన్మనిస్తా. వారిలో ఇద్దరు గొడవ పడుతున్నప్పుడు మూడో బిడ్డ ఎవరికి సపోర్ట్ చేస్తారో నేను చూడాలి. సందర్భాన్ని బట్టి వాళ్ల మద్దతు మారుతూ ఉంటుంది. ఇలా నా బిడ్డలందరూ ఒకరికొకరు సపోర్ట్ చేసుకుంటారు’ అంటూ చెప్పారు.
Similar News
News August 31, 2025
US వీసా ఫీజు పెంపు.. ట్రావెల్ ఇండస్ట్రీపై తీవ్ర ప్రభావం
US కొత్తగా తీసుకొచ్చిన వీసా ఇంటెగ్రిటీ ఫీజు ట్రావెల్ ఇండస్ట్రీపై తీవ్ర ప్రభావం చూపనుంది. దీని ప్రకారం ట్రావెలర్స్ $250(రూ.22వేలు) అదనపు ఫీజు చెల్లించాల్సి ఉంటుంది. టోటల్ వీసా కాస్ట్ $442(రూ.39 వేలు)కు చేరనుంది. ఇది ఇండియా, చైనా, మెక్సికో, బ్రెజిల్ తదితర దేశాల వారికి భారంగా మారనుంది. అటు USకు వచ్చే టూరిస్టుల సంఖ్య మరింత తగ్గిపోయి, ఆదాయం పడిపోతుందని అక్కడి ఆర్థికవేత్తలు ఆందోళన వ్యక్తం చేస్తున్నారు.
News August 31, 2025
ఆగస్టు 31: చరిత్రలో ఈ రోజు
1864: హరికథా పితామహుడు ఆదిభట్ల నారాయణదాసు జననం
1923: తెలంగాణ సాయుధ పోరాట యోధుడు చెన్నమనేని రాజేశ్వరరావు జననం
1925: ప్రముఖ కవి, సాహితీవేత్త ఆరుద్ర జననం
1932: ప్రముఖ కథా రచయిత రావిపల్లి నారాయణరావు జననం
1969: భారత మాజీ క్రికెటర్ జవగళ్ శ్రీనాథ్ జననం
2014: చిత్రకారుడు, సినీ దర్శకుడు బాపు మరణం(ఫొటోలో)
News August 31, 2025
భారత డ్రోన్స్‌ను US, చైనా కనిపెట్టలేవు: రాజ్‌నాథ్
దేశంలో ‘న్యూ టెక్నలాజికల్ రెవల్యూషన్‌’కు ఇండియన్ డ్రోన్స్ సింబల్‌గా మారాయని రక్షణ మంత్రి రాజ్‌నాథ్ సింగ్ అన్నారు. భవిష్యత్‌ యుద్ధాల్లో డ్రోన్లదే కీలక పాత్ర అని అభిప్రాయపడ్డారు. ‘నేటి యువత కంపెనీ ఏర్పాటు చేయడం కాదు.. సరికొత్త ఆలోచనలతో డిఫెన్స్ సెక్టార్‌ను ముందుకు నడిపిస్తున్నారు. ఇండియన్ డ్రోన్స్ ఎగిరినప్పుడు.. అమెరికా, చైనా కూడా వాటిని కనిపెట్టలేవు. ఇది చాలా గొప్ప విషయం’ అని వ్యాఖ్యానించారు.