News February 1, 2025
ఈ స్కూల్‌లో ఏడాదికి రూ.27లక్షలు ఫీజు!
ప్రస్తుతం నాణ్యమైన విద్యను పొందాలంటే రూ.లక్షలు ఖర్చు చేయాల్సిందే. నర్సరీ పిల్లలకు సైతం కొందరు రూ.4-5 లక్షలు వసూలు చేస్తున్నారు. UAEలో ఉండే గ్లోబల్ ఎడ్యుకేషన్ మేనేజ్‌మెంట్ సిస్టమ్స్‌ పాఠశాలలో స్టార్టింగ్ ఫీజే రూ.27లక్షలుగా ఉండటం చూసి అంతా షాక్ అవుతున్నారు. కేరళకు చెందిన మరియమ్మ, KS వర్కీ 1968లో UAEలో ఈ విద్యాసంస్థను ప్రారంభించి అమెరికా, ఇండియా, ఇంగ్లండ్‌కూ విస్తరించారు.
Similar News
News February 1, 2025
కుంభమేళాకు సగం ధరకే విమాన టికెట్ల ధరలు: కేంద్ర మంత్రి
కుంభమేళాకు వెళ్లే భక్తులకు సగం ధరకే విమాన ప్రయాణం చేయొచ్చని కేంద్ర మంత్రి రామ్మోహన్ నాయుడు తెలిపారు. ఇందుకు సంబంధించి అన్ని ఎయిర్‌లైన్స్ సంస్థలకు ఆదేశాలు జారీ చేశామని చెప్పారు. కాగా కుంభమేళా సందర్భంగా ప్రయాగ్‌రాజ్ వెళ్లే అన్ని విమాన సంస్థలు భారీగా టికెట్లు రేట్లు పెంచాయి. దీనిపై కేంద్రానికి వినతులు వెల్లువెత్తడంతో 50 శాతం ధరల తగ్గింపు నిర్ణయం తీసుకుంది.
News February 1, 2025
సీఎం చంద్రబాబుతో డీజీపీ గుప్తా భేటీ
AP: CM చంద్రబాబుతో నూతన DGP హరీష్ కుమార్ గుప్తా భేటీ అయ్యారు. ఉండవల్లిలోని సీఎం నివాసంలో వీరు మర్యాదపూర్వకంగా కలిశారు. ఈ సందర్భంగా డీజీపీగా తనను ఎంపిక చేసినందుకు సీఎంకు ధన్యవాదాలు తెలిపారు. కాగా నిన్నటితో మాజీ DGP ద్వారకా తిరుమలరావు పదవీకాలం ముగిసింది. ఆయనను ఏడాది పాటు RTC MDగా కొనసాగిస్తూ ప్రభుత్వం ఉత్తర్వులు జారీ చేసింది.
News February 1, 2025
నాలుగో టీ20లో హీరోగా మారిన హర్షిత్
ఇంగ్లండ్‌తో జరిగిన నాలుగో టీ20లో హర్షిత్ రాణా కంకషన్ సబ్‌స్టిట్యూట్‌గా బరిలోకి దిగి హీరోగా అవతరించారు. కీలక సమయంలో 3 వికెట్లు పడగొట్టి ఓడిపోయే మ్యాచ్‌ను మలుపు తిప్పారు. బేథేల్, లివింగ్‌స్టోన్, ఓవర్టన్‌లను ఆయన పెవిలియన్ పంపారు. కంకషన్ సబ్‌స్టిట్యూట్‌గా అంతర్జాతీయ అరంగేట్రం చేసిన ఏడో ప్లేయర్‌గా రాణా నిలిచారు. గతంలో బ్రయాన్, నీల్ రాక్, జోండో, పార్కిన్‌సన్, కమ్రాన్ గులాం, బహిర్షాలు డెబుట్ చేశారు.