News November 12, 2024
కొత్త అవతారాల్లో ముగ్గురు హీరోలు.. ఆకట్టుకుంటున్న లుక్స్
టాలీవుడ్ యువ హీరోలు మంచు మనోజ్, నారా రోహిత్, బెల్లంకొండ సాయిశ్రీనివాస్ ఒకే సినిమాలో కలిసి నటిస్తున్నారు. తాజాగా ఈ సినిమా నుంచి మనోజ్ లుక్‌ను మేకర్స్ రిలీజ్ చేశారు. ఇందులో ఆయన ‘గజపతి వర్మ’ పాత్రలో నటిస్తున్నారు. రోహిత్ ‘వరద’, శ్రీనివాస్ ‘సీను’ అనే పాత్రలో కనిపించనున్నారు. వీరిద్దరి ఫస్ట్ లుక్ పోస్టర్లు ఇప్పటికే విడుదలయ్యాయి. ‘భైరవం’ టైటిల్‌తో రాబోయే ఈ మూవీకి విజయ్ కనకమేడల దర్శకత్వం వహిస్తున్నారు.
Similar News
News November 29, 2025
ఘోర రోడ్డు ప్రమాదం.. ఐదుగురు మృతి
AP: కర్నూలు జిల్లాలో జరిగిన ఘోర రోడ్డు ప్రమాదంలో ఐదుగురు మరణించారు. కర్ణాటకకు చెందిన ఓ కారు ఎమ్మిగనూరు నుంచి బెంగళూరు వెళ్తుండగా కోటేకల్ కొండ మలుపు వద్ద ఆదోని నుంచి వస్తున్న మరో కారు ఢీకొట్టింది. ఈ ప్రమాదంలో ఇద్దరు చిన్నారులు సహా ఐదుగురు అక్కడికక్కడే చనిపోయారు. మృతుల వివరాలు తెలియాల్సి ఉంది. ఇటీవల కర్నూలు జిల్లాలోనే ప్రైవేటు ట్రావెల్స్ బస్సు దగ్ధమై 19 మంది మరణించిన విషయం తెలిసిందే.
News November 29, 2025
INDW vs SLW: వైజాగ్‌లో రెండు మ్యాచులు
AP: భారత మహిళల జట్టు, శ్రీలంక ఉమెన్స్ టీమ్ 5 టీ20ల సిరీస్‌లో తలపడనున్నాయి. డిసెంబర్ 21 నుంచి 30 వరకు కొనసాగనున్న ఈ సిరీస్ విశాఖ నుంచే ప్రారంభం కానుంది. దీనికి సంబంధించి వెన్యూస్‌ని BCCI ఖరారు చేసింది. DEC 21, 23 తేదీల్లో తొలి రెండు టీ20 మ్యాచులు విశాఖ వేదికగా జరగనున్నాయి. అలాగే 26, 28, 30 తేదీల్లో జరగాల్సిన 3 మ్యాచులకు తిరువనంతపురం ఆతిథ్యం ఇవ్వనుంది.
News November 29, 2025
ఏపీ న్యూస్ రౌండప్
✒ నేడు TDP సెంట్రల్ ఆఫీసుకు CM CBN.. ప్రజల నుంచి వినతుల స్వీకరణతో పాటు అందుబాటులో ఉన్న నేతలతో సమావేశం
✒ జంగారెడ్డిగూడెం మున్సిపాలిటీని గ్రేడ్-2 నుంచి గ్రేడ్-1గా, నిడదవోలును గ్రేడ్-2 నుంచి స్పెషల్ గ్రేడ్ మున్సిపాలిటీగా అప్‌గ్రేడ్ చేస్తూ ప్రభుత్వం ఉత్తర్వులు
✒ జాతీయ ప్రయోజనాలతో కూడిన అంశాలపై పార్లమెంట్‌లో మాట్లాడాలని జనసేన MPలకు పవన్ సూచన
✒ జర్నలిస్టుల అక్రిడిటేషన్ కార్డుల గడువు 2 నెలలు పొడిగింపు