News July 22, 2024
నేడు గంభీర్ చేతికి కోచ్‌ పగ్గాలు
టీమ్ ఇండియా హెడ్ కోచ్‌గా గౌతమ్ గంభీర్ నేడు బాధ్యతలు చేపట్టనున్నారు. అనంతరం చీఫ్ సెలక్టర్ అజిత్ అగార్కర్‌తో కలిసి ముంబైలో మీడియాతో మాట్లాడనున్నారు. కాగా ఈనెల 27 నుంచి శ్రీలంకతో జరిగే టీ20, వన్డే సిరీస్‌తో గౌతీ కోచింగ్ ప్రస్థానం ప్రారంభం కానుంది. మరోవైపు భారత్‌కు బౌలింగ్ కోచ్‌ లేకపోవడంతో ఈ సిరీస్‌కు తాత్కాలికంగా సాయిరాజ్ బహుతులెకు బీసీసీఐ ఆ బాధ్యతలు అప్పగించింది.
Similar News
News November 30, 2025
చాపరాలపల్లి పంచాయతీ ఎన్నికకు బ్రేక్
ములకలపల్లి మండలం చాపరాలపల్లి గ్రామ పంచాయతీ ఎన్నికలకు<<18427987>> హైకోర్టు స్టే<<>> విధించింది. తదుపరి ఆదేశాలు వచ్చేంత వరకు ఎన్నికల నోటీసు జారీ చేయకూడదని కలెక్టర్ జితేష్ వి.పాటిల్ ఆదేశాలిచ్చారు. చాపరాలపల్లి ఏజెన్సీ ప్రాంతం కాదని, మైదాన ప్రాంతమని ములకలపల్లి ప్రాంతానికి చెందిన పర్వతనేని అమర్నాథ్ హైకోర్టులో రిప్ పిటిషన్ దాఖలు చేశారు. కేసు విచారణలో ఉండడంతో ఎన్నికల ప్రక్రియ నిలిపివేయాలని కలెక్టర్ ఆదేశించారు.
News November 30, 2025
20% పెరిగిన ‘ఇసుక’ ఆదాయం
TG: ఇసుక అమ్మకాలతో ప్రభుత్వానికి వచ్చే ఆదాయం గత ఏడాదితో పోలిస్తే 20% పెరిగింది. 2023-24లో ₹654.58Cr, 2024-25లో ₹738.74Cr ఆదాయం వచ్చినట్లు అధికారులు వెల్లడించారు. ప్రస్తుత ఆర్థిక సంవత్సరంలో ఇప్పటివరకు 138.07L మెట్రిక్ టన్నుల ఇసుక విక్రయించగా ₹600Cr వచ్చినట్లు పేర్కొన్నారు. మరో 4నెలల్లో ఈ మొత్తం ₹1000Crకు చేరుతుందని అంచనా. డిమాండ్‌కు తగ్గ సరఫరా, అక్రమాలకు అడ్డుకట్టతో ఆదాయం పెరిగినట్లు చెబుతున్నారు.
News November 30, 2025
రాష్ట్రంలో 3 జోన్లు.. ప్రభుత్వం కీలక నిర్ణయం
AP: అన్నిప్రాంతాల అభివృద్ధే లక్ష్యంగా జోనల్ వ్యవస్థ ఏర్పాటుకు ఏపీ ప్రభుత్వం నిర్ణయించింది. 9 జిల్లాలతో విశాఖ, 8 జిల్లాలతో అమరావతి, 9 జిల్లాలతో రాయలసీమ జోన్‌లను నెలకొల్పనుంది. సీఎం చంద్రబాబు నేతృత్వంలో స్టీరింగ్ కమిటీ ఏర్పాటుకానుంది. విశాఖ జోన్‌కు యువరాజ్, అమరావతికి మీనా, రాయలసీమకు కృష్ణబాబును సీఈవోలను ప్రభుత్వం నియమించనుంది. త్వరలోనే ఉత్తర్వులు వెలువడనున్నాయి.