News March 10, 2025
నామినేషన్లకు నేడే ఆఖరు..
TG: ఎమ్మెల్యే కోటాలో ఎమ్మెల్సీ అభ్యర్థుల ఎన్నికలకు నేటితో నామినేషన్ల ప్రక్రియ ముగియనుంది. కాంగ్రెస్ నుంచి అద్దంకి దయాకర్ రావు, కేతావత్ శంకర్ నాయక్, విజయశాంతి, బీఆర్ఎస్ నుంచి దాసోజు శ్రావణ్, సీపీఐ నుంచి నెల్లికంటి సత్యం నామినేషన్లు వేయనున్నారు. ఈ నెల 13న నామినేషన్ల ఉపసంహరణకు తుది గడువు కాగా 20న పోలింగ్ జరగనుంది. అదే రోజున ఈసీ లెక్కింపు నిర్వహించనుంది.
Similar News
News April 3, 2026
కువైట్పై ఇరాన్ భీకర దాడులు
కువైట్, UAE లక్ష్యంగా ఇరాన్ భీకర దాడులు చేస్తోంది. తమ డీసాలినేషన్ ప్లాంట్, ఆయిల్ రిఫైనరీపై అటాక్ జరిగినట్లు కువైట్ అధికారులు ధ్రువీకరించారు. మినా అల్ అహ్మదీ రిఫైనరీలోని కొన్ని యూనిట్లు మంటల్లో చిక్కుకున్నట్లు పేర్కొన్నారు. మరోవైపు తమ దేశంపై మిస్సైల్స్, డ్రోన్లతో ఇరాన్ దాడి చేసిందని UAE తెలిపింది. తాము అడ్డుకున్న మిస్సైల్ శకలాలు పడి హబ్షాన్ గ్యాస్ ఫెసిలిటీలో మంటలు చెలరేగాయని చెప్పింది.
News April 3, 2026
సోషల్ ప్రోగ్రెస్ గురించి రేవంత్ చెప్పడం విడ్డూరం: విజయన్
అవినీతి ప్రభుత్వం అంటూ తమపై TG CM <<19546692>>రేవంత్<<>> విమర్శలు చేయడంపై కేరళం CM పినరయి విజయన్ ఫైరయ్యారు. ‘పేదల ఇళ్లపైకి బుల్డోజర్లు నడిపే వ్యక్తి సోషల్ ప్రోగ్రెస్ గురించి చెప్పడం విడ్డూరం. దేశంలో అత్యంత తక్కువ అవినీతి, అతి తక్కువ పేదరికం ఉన్న రాష్ట్రం మాది. అక్షరాస్యతలో మేమే ముందున్నాం. శాలరీలు, పెన్షన్లు ఆలస్యం చేసే మీరే మా దగ్గర పాలన, సంక్షేమం గురించి నేర్చుకోవాలి’ అని ట్వీట్ చేశారు.
News April 3, 2026
‘అగస్త్య భ్రాత’ అంటే ఎవరు?
ఊరూపేరు, తనకంటూ ఏ గుర్తింపు లేని వ్యక్తిని అగస్త్య భ్రాతగా అభివర్ణిస్తారు. రాముడు అరణ్యవాసంలో అగస్త్య మహర్షితోపాటు ఆయన సోదరుడి ఆశ్రమానికి వెళ్లినట్లు వాల్మీకి రామాయణంలో ఉంది. కానీ ఆయన పేరు, వివరాలేంటో ప్రస్తావించలేదు. అలా అగస్త్య భ్రాత(భ్రాత అంటే సోదరుడు) అనామకుడిగా మిగిలిపోయాడు. గొప్ప వ్యక్తికి అప్రసిద్ధుడైన సోదరుడు ఉన్నాడని చెప్పే క్రమంలో ఈ జాతీయాన్ని ఎక్కువగా వాడతారు.
<<-se>>#EPICSAYINGS<<>>