News April 7, 2024

గాజా యుద్ధానికి నేటితో ఆరు నెలలు

హమాస్, ఇజ్రాయెల్ మధ్య యుద్ధం ప్రారంభమై సరిగ్గా నేటికి 6 నెలలు అవుతోంది. గతేడాది అక్టోబర్ 7న హమాస్ మిలిటెంట్లు ఇజ్రాయెల్‌పై మెరుపు దాడులు చేయడంతో యుద్ధం మొదలైంది. ఈ యుద్ధంలో 33 వేల మందికిపైగా ప్రాణాలు కోల్పోయారు. వీరిలో 13 వేల మందికి పైగా ఉగ్రవాదులు ఉన్నారు. వేలాది చిన్నారులు అనాథలుగా మిగిలిపోయారు. తినడానికి తిండి లేకుండా, నిలువ నీడ లేకుండా రోడ్డున పడ్డారు. గాజా సగానికిపైగా తుడిచిపెట్టుకుపోయింది.