News February 16, 2025
రేపు స్కూళ్లకు సెలవు.. ఎక్కడంటే?
TG: సూర్యాపేట జిల్లా చివ్వెంల(మ) పెద్దగట్టు శ్రీలింగమంతుల స్వామి జాతర నేపథ్యంలో నల్గొండ, సూర్యాపేట జిల్లాల్లోని స్కూళ్లకు విద్యాసంస్థలకు రేపు సెలవు ప్రకటించారు. సూర్యాపేట జిల్లా వ్యాప్తంగా స్కూళ్లు, కాలేజీలకు, నల్గొండ జిల్లాలో స్కూళ్లకు సెలవు ఇస్తూ ఆయా కలెక్టర్లు ప్రకటన చేశారు. మేడారం తర్వాత అతిపెద్ద జాతరగా పేరు గాంచిన పెద్దగట్టు జాతరకు 25 లక్షల మందికి పైగా భక్తులు పలు రాష్ట్రాల నుంచి తరలివస్తారు.
Similar News
News January 31, 2026
బంగారం, వెండి ధరలు.. ఒక్కరోజే ఢమాల్
అంతర్జాతీయ మార్కెట్లో నిన్న బంగారం ధర 11%, వెండి రేటు 32% తగ్గింది. గురువారం ఔన్స్(28.35gms) బంగారం ధర ఆల్ టైమ్ రికార్డు $5,595(రూ.5.13L)కి చేరగా శుక్రవారం $4,722(రూ.4.32L)కి తగ్గింది. ఔన్స్ సిల్వర్ గురువారం $121.67(రూ.11,155)గా ఉండగా శుక్రవారం $79.30(రూ.7,270)కి పడిపోయింది. USD బలోపేతం, ఫెడరల్ రిజర్వ్ ఛైర్గా కెవిన్ వార్ష్ నామినేట్, అమ్మకాలు పెరిగి కొనుగోళ్లు తగ్గడం వంటివి దీనికి కారణాలు.
News January 31, 2026
T20 WCలో ఇద్దరు స్పిన్నర్లు వద్దు: అశ్విన్
T20 WCలో టీమ్ ఇండియా తుది జట్టులో ఇద్దరు మెయిన్ స్పిన్నర్లను ఆడించొద్దని మాజీ క్రికెటర్ అశ్విన్ సూచించారు. ‘ఒక మెయిన్ స్పిన్నర్, ఒక స్పిన్ ఆల్ రౌండర్ను ఆడించాలి. ఇద్దరు మెయిన్ స్పిన్నర్ల(కుల్దీప్, వరుణ్)ను ఆడిస్తే బ్యాటింగ్లో డెప్త్ ఉండదు. అలాగే వరుణ్ను ఎక్కువగా ఎక్స్పోజ్ చేయకుండా తెలివిగా వాడాలి. అభిషేక్ తన బౌలింగ్పై దృష్టి పెడితే మంచి ఆల్రౌండర్ అవుతాడు’ అని తన YT వీడియోలో అభిప్రాయపడ్డారు.
News January 31, 2026
మున్సిపల్ ఎన్నికలు.. ఎన్ని నామినేషన్లు వచ్చాయంటే?
TG: మున్సిపల్ ఎన్నికల నామినేషన్ల స్వీకరణ గడువు నిన్నటితో ముగిసింది. మొత్తం 116 మున్సిపాలిటీల్లోని 2,996 వార్డులకు 22,519 మంది అభ్యర్థుల నుంచి 29,743 నామినేషన్లు వచ్చాయి. పార్టీల వారీగా కాంగ్రెస్ 10,046, BRS 7564, BJP 5462, MIM 576, JSP 342, TDP 32, CPI 277, BSP 324, AAP 51, ఫార్వర్డ్ బ్లాక్ 241 నామినేషన్లు దాఖలయ్యాయి. నేడు నామినేషన్ల పరిశీలన ఉండనుంది. ఉపసంహరణ గడువు FEB 3తో ముగుస్తుంది.