News July 29, 2024
రేపు రెండో విడత రుణమాఫీ
TG: రాష్ట్రంలోని రైతులకు రేపు రెండో విడత రుణమాఫీ కానుంది. అసెంబ్లీ ప్రాంగణంలో CM రేవంత్ ఈ మాఫీ ప్రక్రియను ప్రారంభిస్తారు. CM బటన్ నొక్కగానే రైతుల రుణ ఖాతాల్లో ప్రభుత్వం నిధులు జమ చేస్తుంది. ఈ విడతలో రూ.లక్ష నుంచి రూ.1.50లక్షల మధ్య రుణాలు మాఫీ కానున్నాయి. ఈసారి ప్రభుత్వం రూ.7వేల కోట్లు వెచ్చిస్తోంది. దీంతో ఆరున్నర లక్షలమంది రైతులు లబ్ధి పొందనున్నారు.
Similar News
News November 29, 2025
లేటెస్ట్ అప్డేట్స్
* డిసెంబర్ 15న రవీంద్రభారతిలో గాయకుడు ఎస్పీ బాలసుబ్రహ్మణ్యం విగ్రహావిష్కరణకు సీఎం రేవంత్‌ను ఆహ్వానించిన నటుడు శుభలేఖ సుధాకర్
* తెలంగాణ పోలీస్ హౌజింగ్ ఇన్‌ఫ్రాస్ట్రక్చర్ టెక్నాలజీ కార్పొరేషన్ ఇకపై తెలంగాణ పోలీసు హౌజింగ్ ఇన్‌ఫ్రాటెక్ అండ్ కన్సల్టెన్సీ సర్వీసెస్ కార్పొరేషన్(TGPICS)గా మార్పు.. ఎండీగా రమేశ్
* ఢిల్లీ పేలుడు కేసులో నిందితులకు ముగిసిన విచారణ.. 10 రోజుల పాటు విచారించిన NIA
News November 29, 2025
తెలుగులో ‘రాజమౌళి వారణాసి’గా మూవీ రిలీజ్?
రాజమౌళి-మహేశ్‌బాబు కాంబినేషన్‌లో తెరకెక్కుతోన్న ‘వారణాసి’ మూవీని మరో నిర్మాణ సంస్థ తెలుగులో రిజిస్టర్ చేసుకున్న విషయం తెలిసిందే. తాజాగా ఈ టైటిల్‌పై వివాదం సద్దుమణిగినట్లు సమాచారం. దీంతో తెలుగులో ‘రాజమౌళి వారణాసి’, మిగిలిన అన్ని భాషల్లో ‘వారణాసి’ పేరుతోనే సినిమాను రిలీజ్ చేయనున్నట్లు తెలుస్తోంది. మేకర్స్ త్వరలోనే దీనిపై అధికారిక ప్రకటన చేసే అవకాశం ఉంది. కాగా ఈ చిత్రం 2027 వేసవిలో రిలీజ్ కానుంది.
News November 29, 2025
రాజధాని రైతుల సమస్యలకు నెలలో పరిష్కారం: పెమ్మసాని
AP: రాజధాని అమరావతి రైతులకు పింఛన్లు, హెల్త్ కార్డు సమస్యలను నెలలో పరిష్కరిస్తామని కేంద్ర మంత్రి పెమ్మసాని చంద్రశేఖర్ తెలిపారు. గ్రామ కంఠాలు, జరీబు భూములపై సర్వే చేస్తామని, ఎవరికీ అన్యాయం జరగనివ్వమని స్పష్టం చేశారు. అసైన్డ్ ల్యాండ్స్, లంక భూములపై వచ్చే క్యాబినెట్ సమావేశంలో నిర్ణయం తీసుకునే అవకాశం ఉందని మంత్రి నారాయణ చెప్పారు. ప్రతి రెండువారాలకోసారి రైతులతో సమావేశమై సమస్యలు వింటామని హామీ ఇచ్చారు.