News October 6, 2025
టోల్ప్లాజాల వద్ద ట్రాఫిక్ జామ్.. ఫ్రీగా పంపిస్తున్నారా?
సొంతూళ్లకు వెళ్లి మహానగరానికి తరలివస్తోన్న వారితో HYD శివారు హైవేలపై భారీగా <<17927176>>ట్రాఫిక్ జామ్<<>> అవుతోంది. టోల్ప్లాజాల వద్ద కిలోమీటర్ల మేర క్యూ ఉంటోంది. అలాంటి సమయంలో వాహనాలను టోల్ లేకుండా పంపాలని NHAI నిబంధనల్లో ఉంది. క్యూ లైన్ 100మీటర్ల పసుపు గీతను దాటినా.. సాంకేతిక సమస్యలతో వాహనం 10 సెకన్ల కంటే ఎక్కువ వేచి ఉన్నా ఉచితంగా వెళ్లొచ్చు. ఇవి ట్రాఫిక్ రద్దీని తగ్గించడానికి ఉద్దేశించినవి.
Similar News
News April 10, 2026
సూయజ్ టోల్కు ఓకే.. హార్ముజ్లో నో: ఎందుకీ తేడా?(1/2)
హార్ముజ్ జలసంధి సహజసిద్ధమైన నీటి మార్గం. అంతర్జాతీయ సముద్ర చట్టాల (UNCLOS) ప్రకారం ఇలాంటి జలసంధుల మీదుగా వెళ్లే నౌకల నుంచి ఏ దేశమూ టోల్ వసూలు చేయొద్దు. కేవలం పైలటింగ్, టగ్గింగ్ వంటి సేవలకు మాత్రమే ఫీజు తీసుకోవాలి. కానీ ఇరాన్ మాత్రం శాంతి చర్చల్లో భాగంగా తన భూభాగం సమీపంగా వెళ్లే నౌకల నుంచి టోల్ కట్టించుకోవాలని చూస్తోంది. ఇది అంతర్జాతీయ నిబంధనలకు విరుద్ధమని పలు దేశాలు అభ్యంతరం చెబుతున్నాయి.
News April 10, 2026
సూయజ్ టోల్కు ఓకే.. హార్ముజ్లో నో: ఎందుకీ తేడా?(2/2)
హార్ముజ్ జలసంధికి, సూయజ్ కెనాల్కు తేడా ఉంది. సూయజ్, పనామా వంటివి మనుషులు తవ్విన కృత్రిమ కాలువలు (Canals). ఇవి సహజంగా ఏర్పడినవి కావు. వాటిని నిర్మించి, మెయింటెన్ చేస్తున్నందుకు గానూ ఆయా దేశాలకు (ఈజిప్ట్, పనామా) ఫీజు వసూలు చేసుకునే హక్కు ఉంటుంది. కానీ హార్ముజ్ సహజమైనది కావడంతో అక్కడ ఇలాంటి రూల్స్ వర్తించవు. అందుకే ఇరాన్ డిమాండ్ ఇప్పుడు ప్రపంచవ్యాప్తంగా హాట్ టాపిక్ అయ్యింది.
News April 10, 2026
ట్రంప్ చెప్పినా డోంట్ కేర్.. లెబనాన్పై ఇజ్రాయెల్ దాడులు!
సీజ్ఫైర్ చర్చల వేళ దాడులను తగ్గించాలని US అధ్యక్షుడు ట్రంప్ చెప్పినా ఇజ్రాయెల్ వెనక్కి తగ్గలేదు. ఇవాళ మరోసారి లెబనాన్పై విరుచుకుపడింది. 2 టౌన్లపై వైమానిక దాడులు చేసింది. దీంతో తామూ ఇజ్రాయెల్లోని ఖిర్యాత్ షిమోనాపై రాకెట్లతో అటాక్ చేసినట్లు హెజ్బొల్లా ప్రకటించింది. ఇజ్రాయెల్, US దురాక్రమణ ఆగే వరకు వెనక్కి తగ్గబోమని స్పష్టంచేసింది. బీరుట్పై ఇజ్రాయెల్ <<19611886>>దాడుల్లో<<>> 303 మందికి పైగా చనిపోవడం తెలిసిందే.